لو أخطأت الزوجه في إعداد وجبة ماذا سيفعل الرجل !!

[ام الدانه]

المشاركة الأصلية كتبت بواسطة ابو حمد

مشكورة يالغاليه على موضوعك الجميل والطرح الرائع كما عودتينا

والله ما ادري وش ارد عليك بس احس ان هذا الرجل حكيم في تصرفه
وشكل الحرمه زعلانه منه وحطت حيلها في الاكل علشان تغيظه
لكن الرجل ذو عقلين بصراحه
كسب امراته وطبع قبلة على جبينها
وكذلك اخجلها برده الرائع والذي لم يتوقعه احد واكل الطعام من دون ان يتفوه باي كلمه
واعتبرهذا الرجل ماهوب موجود عندنا يا عريبيا ابداً
ولو كان من الربع
شوفي وش يصير
لو تسويله حرمته مثل ها الاكل كان يمط لسانه وصوته يسمعه اللى في آخر الشارع
وآخرتها
وش ذا الاكل ما تذوقين ؟؟
ما تشوفين ؟؟ ياملا العمى
وينك ؟؟جعل ايديك تكسر
شيلي اكلك يالرفلا
وطبخ طبختيه
يالرفلا وكليه
ويصفق بالباب ويرووووح
ويتفخ خشته لمدة اسبوع او اكثر والله العالم وش يسوي الا جاء عند ربعه وش يقول لهم عن اللى سوته حرمته
يفضح بها عند الصغير والكبيييير..
هذا ما لدي والله على ما اقول شهيد..


ابو حمد،،

ياهلاوالله وغلا بالمشرف الغالي

ابوحمد

اسعدني مرووورك المميز وردك الجميل وتحليلك لموقف هذا الرجل الاسطورة

والله يعيننا على هالاشكال اللي كتبت عنها ويجيرنا منهم

ومشكوووووووور الف الف الف شكر على هالطله الرااائعه

لك اجمل تحيه وتقدير