(البلاليط) من أخت مبارك

[أخت مبارك]

السلام عليكم
البلاليط اكله مشهورة عندنا بالبحرين قديما وتنوكل الصبح عادتا بالريوق والعشا بالليل وهي لذيذة جدا
واتمنى ينال على ا عجابكم
المقادير

كيس بلاليط( شيعيرة سيبا) احسن ماركة عندي لعمل البلاليط هي السيبا
واذا تعرفون ماركات ثانيه زينه بعد خبرونا
6 بيضات+ البهارات اللي بنحطها في البيض هي فلفل اسود ملعقة صغيره شوي ملح ، بزار ضروري وهيل + بصلة صغيره مفرومه
والمقادير اللي بنحطها في البلاليط بعد ماينسلق هي هيل زعفران ماء ورد + 3 فنيال سكر


صورة البلاليط




نحمص البلاليط لين تاخذ لون على نار وسط هذي خطوة مهمه
ونحاسب عن تحترق لين يستوي شكلها كذا



نحمس البصل في الزيت بعد ماياخذ لون خفيف نحط الملح والهيل
والفلفل الاسود ونص ملعقة صغيره بزار ونقلبهم مدة دقيقه بعدين نضيف عليه البيض




وهذا شكل البيض والبصل بعد ماستوى



نسلق البلاليط في ماء حار مدة دقيقتين فقط او دقيقة ونص تكفي بعد
مانبيه يستوي لين اهم شي نثري ونوقف عند الجدر
مانروح عنه عشان مايعجن لان الشيعيريه بسرعه تستوي ماتاخذ وقت
ونصفيها ونرجعها الجدر ونحط السكر مع الهيل ملعقة صغيره وشوي
زيت ونقلب واخر شي نحط نص فنيال ماء ورد به
زعفران منقوع ونصبه عليهم ونغطيه نخليه على نار هادية مدة عشر
دقايق فقط





يقدم بهذه الطريقه فوقه البيض