قصيدة من اجمل القصايد

[سفير الزمان]

بسم الله الرحمن الرحيم

حقيقة هذي القصيده من افضل القصايد اللي سمعتها

وحبيت تسمعونها مع انها من القصايد المنتشرة في النت

وهي من رفعي

شفنا العجب يكفي عسى الهم ينجال ينجال عن قلب تزايد حطامه

***
لا صارت الدنيا على ضيقة البال وش يرجي المظغوط كود السلامة

**
أشوف إن العربان من حالي في حال لا خالطت ما بين نجد وشامه

***
ما كل رجال تشوفه برجال ما عاد أميز صقرها والفدامه

***

لا يخدعك زول مِفـَــــلـْـــتـَهْ من أزوال حتى ولو إنه العسل في كلامه

***
اللبس واحد بشت وشماغ وعقال لكن بلاك القلب وِشُّو مرامه

***

وين الزمن اللي مضى صفوة أجيال أهل الوفا والعرف أهل الشهامة

***
مالوم عين دمعها اليوم همال ومن البكا جاوبت نوح الحمامة

***


***
على ربوع خلو الدار والمال أمسو بقبر مدلهم بظلامه

***
لا من ذكرت الجد والعم والخال أصفق بكفٍ فوق كفٍ ندامه

***

لا ني بمجنون ولا فيني هبال لاكن خطير العقل يذكر سقامه

***
غديت مثل اللي رقى نايف نعال بيضاء يشق الجيب يشكي غرامه

***

من شد مابه ذب عمره على الجال غلوه بجو ما بقى إلا عظامه

***
صاح النذير وخبر الناس بالحال جاها الفزع يجمع بقايا عظامه

***
وأمه غدت ما بين دمع وولوال تنثر دموع مثل وبل الغمامة

***
والله لولا إني صبور وشيال وإني أخاف عقابي يوم القيامة

***
لا أصير مثله بالسوايا والأفعال من شاف ناصر قال مدري علامه


الرابط الصوتي

https://www.4shared.com/file/181852077/e99362a0/-__.html


طبعا من شريط شفنا العجب للشاعر ناصر السعيد


دعواتكم //
:70: