كم ماشي جوالك

[الجيب الاسود]

بسم الله الرحمن الرحيم

اخواني السلام عليكم ورحمة الله وبركاته

احيانا نضطر لشراء جوال مستعمل وذلك لان المزانيه ماتكفي

او ان الجوال الي نبيه غالي

ونبي شي رخيص وما استعمل واجد وعلشان نعرف الجوال

النظيف من الجوال المستهلك

وعلشان ما ننخدع بالي يشري جوال جديد ويفك وجهه

ويركب وجه تجاري ويكد

الجوال واذابغا يبيعه ركب وجهه الاصلي وخدع اللي على

نياتهم ما يعرفون.

لذا خوذو مني هالنصيحه من واقع خبرتي (اللهم لا نفاشه)

اول ماتاخذ الجهاز عطه نضره خارجيه واذا جازلك اضغط

من اليسار لليمين على ( # 92702689# * )

بعد كذا بتشوف ارقام تطلع قدامك هاذي الارقام هي عداد

المكالمات الصادره والوارده

للجهاز الجوال. تتكون من ثمان خانات اول خانتين للدقائق

والست خانات الباقيه للساعات بعد كذا تعرف الجوال هذا فعلا

نظيف وما جاه مكالمات واجد ولا مكروف ابوجده ومستهلك

ايسي الابراج اللي احيانا يودعك بدون سابق انذار

اتمنى ان الفكره اعجبتكم وصرتو تعرفون كم ماشيه جوالاتكم

المسكينه. جربوها بجوالاتكم وتعرفون انكم ضالمينهن

خصوصا الشياب اللي معهم رهيب الفين مثل الخيالي و

دندشه الله يعظم اجرهمماغيروهن من ذاك الوقت.هههه ههه

ملاحظه هاذي الطريقه لا تعمل الا على جوالات نوكيا فقط

لايمكن مسح العداد حتى لو فرمت الجهاز الف مره ومره مافيه مجال للغش


تقبلوا تحياتي اخوكم سليمان