قالوا علامك

[عبدالمحسن الرحمه]

‏‏قالوا علامك ليه راسك مشيَّب
عوارضك شابت وحالك ردية
جاوبتهم يا ناس حظي مخيَّب
وهموم قلبي زايدات ن عليه
صغير في سني وكني شويَّب
من سبة الحاجه عزومي ونيه
سري ببير ولا قربت القليَّب
من فضل رب البيت رجلي جريه
ألفت عن قصة حياتي كتيَّب
من قال أنا عزك لحل القضيه
لو كان ماسويت شي ن يعيَّب
باقي على حالي ولا رحت نيه
مالي نظر في بكر ولا ابثيَّب
هموم قلبي كبر قارة طميه
لو صرت عن جمع الرجال امتغيَّب
معذور والحرمان نار ن صليه
وإن كنت من بعض الأمور امتهيَّب
من طيب ساسي ماقربت الرديه
وين الصديق اللي حنون ن حبيَّب
يفزع لنا نسل الرجال الوفيه
يارب ترزقنا حقوق ن وصيَّب
يعم سيله كل نجد العذيه:
من شافني طيب فلا نيب طيب
شكواي للخالق ولي البرية
ترى الفرج من عند ربي قريَّب
رازق جميع الخلق جزل العطيه