يا نسيم الصباح أرجوك خذ هالرسالة *** واعطها للذي متمكنن في كياني .... مما راق لي .... الوااا(بالله)اااثق

[الوااا(بالله)اااثق]

مما راق لي

يا نسيم الصباح أرجوك خذ هالرساله
واعطها للذي متمكنن في كياني

صاحباً بين كل الخلق ما أرضى بداله
لو يجوني جميع الناس قاصي وداني

الصديق .. العطوف .. اللي ملكني دلاله
في غلاته تفوق عن جميع الغواني

اعطه آخر علومي وسأله كيف حاله
وكتم السر لا يدريبه إنسان ثاني

قل له البعد حده والزمن ما صفى له
واخبره عن وصولي وشهو اللي حداني

كان خلي معه دنياه .. سالي وداله
أشهد إني عقب فرقاه همي دهاني

قل له إنه بوسط القلب باقي لحاله
ما تغيّر غلاته لو يطول الزماني

ودي إنك عن الهجران تكفى تساله
مر لي مدةً والعلم ما عاد جاني

كان من ينقل النمات عني حكاله
والله إنه ببهتان الظليمه رماني

ثم قله وش اللي من طرفنا جرى له ؟؟؟
وسأله وين ذاك الود وين الحناني ؟؟

إن تنكّر عن المضمون واخفى مقاله
إعلم إنه تندّم واختبط في البياني

وإن تفاعل وقدّم حجته واعتزاله
يعتبر عشرته هانت وقلبه نساني

أدري إن الجفاء ما كان يطري بباله
فيه ناساً لهم فالصد دوراً وشاني

غيروا غاليً كان الوفاء راس ماله
وختلف عن مسيره صاحبي في ثواني