أثر الرجال من الرجال تغار ...... مما راق لي ....... أخوكم المحب / الوااا(بالله)اااثق

[الوااا(بالله)اااثق]

https://youtu.be/grUOgnNxFpI

إلى المتذوق الحقيقي للشعر الحقيقي


** قصيدة من الطراز النادر للشاعر يوسف العصيمي العتيبي **


عمر المطر ماقلت له مشكـور لين إقتنعت أن الرجـال أشجـار

وان القلوب اللي بدون شعـور مثل الغصون اللي بدون اثمـار

حتى لو لها فـي التـراب جـذور مــا راح تعطـيـهـا ولا مـقــدار

مـن غبتـن وحـدا هـل البـابـور يستخرجـون اللولـو والمـحـار

هـذا يزيـن مــن غــلاه نـحـور وهــذاك ما يـسـوى ولا ديـنـار

ما في شـي إلا ولحقـه قصـور حتـى السنيـن التاليـات قـصـار

وتقول الارض من الاوادم بـور ما هو علـى شـان القبـور كثـار

الـلـي دفنـاهـم بــدون قـبـور أكثر من الموتى بتسـع أعشـار

ما عاد في بعض الرجال صـدور من يـوم أكلهـا الحسـد يا ستـار

خل البنات اللي سـوات الحـور أثر الرجـال مـن الرجـال تغـار

النـور مـن يقـدر يحجـب النـور ياللي تحسب إن النجوم صغـار

لا صــار مــا ميزتـهـا مـعـذور ماني بقايل لك وش اللي صـار

وش ذنبي إن كان العيون العور ما تقـدر تشـوف الكـبـار كـبـار

حتى ايش لو تشهد شهادة زور وتحط راعي البيت مثـل الجـار

ما جيت أبي ذكرك وانا مذكـور لو مانـي بشاعـر مـع الشعـار

أبـوي قـدامــي خـذالــه دور ما شغـل فلوسـه مــع التـجـار

يلمـهـا ويحطـهـا فــي قــدور ويشب مـن حـدر القـدور النـار

منقووووووووول