قصيدة مدرسة ابن كثير بتمير

[فهد المفرج]

بسم الله الرحمن الرحيم
قصيدة بمناسبة زيارة مدير ادارة التعليم بالمجمعة الأستاذ/عبدالعزيز بن حمود النصار لمدرسة ابن كثير لتحفيظ القرآن الكريم بمدينة تمير بتاريخ يوم الاثنين الموافق
2013/9/13م
هبت هبوب القصيد وزان تلحينه ..
والقافيه طاوعت بلسان شاعرها ..
براقه ينوض والناس متحرينه ..
يكاد يخطف من العالم بصايرها ..
تباشروا به هل الارصاد في حينه ..
واهل البراري يخابرنا مخابرها ..
بكّر عليه الوسم واسقى بساتينه ..
وارهت عليه المزون و هل ماطرها ..
متخالطٍ ريح مسكه مع رياحينه ..
ريحه مثل ريحة العود بمباخرها ..
حقٍ عليه وانا ابن عبيد تدشينه ..
مادام الاشعار تحسب من مصادرها ..
بسم النشاما نرحب في عناوينه ..
بزيارة اللي مدارسنا يزاورها ..
حي الله اللي عساها تبطي سنينه ..
زيارته تبهج النفس و سرايرها ..
مدير تعليمنا ضابط موازينه ..
كل المهمات بافكاره يعايرها ..
في خدمة العلم يسعى في ميادينه ..
ومراجعينه اليا جوا له يقدرها ..
نشكر مساعيه و نباريه و نعينه ..
وجهوده اللي يقوم بها نسايرها ..
ان ما اتحدنا على العز و مضامينه ..
وطت علينا السنين بحد حافرها ..
وخدمة وطنا وحكامه وبانينه ..
اكبر شرف للعيون اللي نسهّرها ..
ومن لا خدم ديرته ضاعت براهينه ..
ومن لايروم المعالي لا يسامرها ..
ومن قام في واجبه كثروا محبينه ..
ومن لاوجد لذة الدنيا يدوّرها ..
ومن هان نفسه يجيه النذل و يهينه ..
ويذوق مر الليالي مع نكايرها ..
ومن لا حفظ سمعته حدوا سكاكينه ..
وحكوا به الناس في قمة منابرها ..
ومن لا يراعي صلاته ضايعٍ دينه ..
اليا اذّن المذّن بعالي منايرها ..
و نفوس الاجواد تعرف عزها وينه ..
على النذل و الردي ما الله بوامرها ..

شاعر البراري / فهد المفرج