اهداء خاص لكم جميع - همن بقلبي لو قسمته على الناس

[سحاب شقراء]

السلام عليكم ورحمه الله وبركاته

هذي هديه مني لكم كلكم يالغالين من ذكر وانثى

والي يشوف فيها ميل تكفون عدلوها كودها تستر على الوجه وترا بعض القصايد اكتبها من بالي للمنتدى مباشره

وخل اعلمكم بعد بشي تراي اكتب بصبع واحد يعني انقر مثل نقر الدجاج للعيش والله اني صادق وحمدو ربكم اني ما اعرف اكتب بصابعي كلهن كان ما تلقون مكان للرد هههههههههههه



هـمٍّ بقلــبي لو قسمتــه عــلـى الـناس


تسمــع جمـيــع الناس مـنـّه يصيحون


لابـاس ما صـابــك مــن الهـــم لا باس


و اصبر كما يصبر على الحبس مسجون


الخلــق ضايـق و الحشا صايــرٍ كاس


يجمع مرار الوقت ويسقيني بالهــون


يا الله يا منــزل من الحــق نــبـــراس


تضوي بها دروبٍ بها الناس يمشون


يا خالقٍ هالـكـــون كـلــه على ساس


يا منفــذٍ امــرك من الــكاف لـلنــون


ترحم سحاب اللي من الضيق محـتاس


ودمــوع عيـنــه من سببها يهلــون


حاولــت أخـفّـي زايد الضيـم والباس


بين الضلــوع و خايف الناس يدرون


بس الحمل أثقل من طـويـق بقـياس


والهــم حملــه مثـقــل الـلي يحملون


و انشد عن هموم الدهـر صاحيـن داس


ينبيك بسهــوم الدهـر كيـف يسطـون


والجرح و ان صابك من الناس لا باس


سيف البعيد لو هو سطا غير مسنون


بس البــلا ثـم الجــلا وزهق الانفاس


لا خانــك الــي تحبــه حــب بجـنـون


سحاب شقراء