ياصاح جنَب لا تجي مرتع الريـم

[تناهيد]

[align=CENTER][table1="width:95%;background-image:url('https://www.albrari.com/vb/mwaextraedit2/backgrounds/4.gif');background-color:black;border:5px double white;"][cell="filter:;"][align=center]

ياصاح: جنب لا تجي مرتع الريم

حآذور من سهمٍ مع الجو طايش ..

سهمٍ من أقواس الحدق فيه تسميم
(جرحه عميق) ويودع الفكر دآيش..

يرميه خشفٍ مايهاب المواثيم
توه صغير السن (بالزين شآيش)..

وإلا عنودٍ تدهل القلب وتقيم
ترعى الحشى بين الضلوع المشايش..

نجل العيون اللي هدبها صواريـم
من لاعته ناشه من الموت نايـش..

كم فارس ٍ قبلك تجزع من الضيـم
مطروح لا يقوى و لا هو بـ هايـش..

تعرضن لـــه ضامــرات المحـازيـم
أهل القـدود المترفـات النشايـش..

تبششن له بالثمان المناظيم
وأثر البلا من عقب هاك البشايش..

كم ضحكة سرت قلوب الشغاميم
وعقب الطرب واللعب صارت بلايش..

هذا الهوى مبداه قطرٍ من الغيم
وأتلاهـ ( سمٍ )من سموم الهوايش..

والعشق واهل العشق سقم ومساقيم
كم واحدن ميت ولو كان عايش..

أنشد عليم وخل عنك التواهيم
واحذر ولو حآشك من النفس حايش..

.. الأمير خالد بن سعود الكبير ..

[/align][/cell][/table1][/align]