التعليمـــات |
التقويم |
|
|
أدوات الموضوع | انواع عرض الموضوع |
#1
|
||||
|
||||
رحلة باريس 2012 Mohammed
السلام عليكم ورحمة الله وبركاتة بعد ما أقلعنا من برشلونة الاسبانية والي جلسنا فيها مدة خمس أيام وباريس ست ايام من 23 اكتوبر الى 4 نوفمبر 2012 والي ان شاء الله راح نعرض لكم تقريرها في وقت لاحق اقلعنا على طيران ايزي قت الاقتصادي الاوربي قيمة التذكرة للشخص 42 يورو تذكرة سبيد يعني الي تذكرتة سبيد هو الي يدخل الطائرة قبل وفعلا دخلنا انا والزملاء اول ناس وكان حجز التذاكر عن طريق موقع الشركة اقلعنا الساعة 1 ظهراً ووصلنا الساعة 3 في باريس وكالعادة اجراء سهل وميسر أما السكن فهو في فندق الكونكورد لافيت قريب من شارع الشانزلزية خمس دقائق مشي رياضي وانت بوسط الشانز الفندق حلو وفخم أخذنا جناح غرفة وصالة كافية بالراحة لثلاث شباب الجناح في الطابق الخمس وعشرين وهذا طلبي انا على ان تكون مطلة على البرج وهذا الي حصل بتوفيق الله الغريب ياجماعة انو فيه ناس تذم في الفندق وهذا من حقهم وكل واحد وله رأي انا حقيقتا اعجبني بشكل غير طبيعي يمكن لأن احنا اخذنا جناح كبير ويمكن عشان الاطلاة الساحرة الله واعلم المهم انه اعجبني وبس وانصح فيه وان شاء الله لو رجعت لباريس ماراح اسكن الافيه اخليكم مع الصور احبتي الكرام وهذي برشلونة بعد الاقلاع وبانت لنا باريس بعد ماوصلنا بالسلامة اخذنا الشنط في خمس دقائق ركبنا تاكسي بـ 42 يور وصلنا في نصف ساعة ولله الحمد شيكنا الدخول واعطونا كروت الدخول ودخلنا الجناح وفعلا نفس الطلبات الي طلبتها اثناء الحجز نفذوها واول مادخلت الغرفة نصيت الدريشة ابي اتأكد هل هي مطلة ولا لا وسويت زوم على البرج وعلى قوس النصر وفعلا صار الجناح مطل هههههههه ايوالله هذا البرج بعينة وعلمه وهذا قوس النصر اسفهلينا وريحنا شوي وسوينا لنا كاس شاي يزبط الكيف بعدها طلعنا للشانز مشي ونسيت اقول انو الفندق فيه سوق وفيه مترو كل شي حولك وحواليك قوس النصر الجهه الثانية حبيب الجالكسي يجي منه تصوير جوالي جالكسي 3 ، قوس النصر ليلا وهذا فندقنا صورتة وحنا راجعين رجعنا فندقنا تعبانين علطول نومة وفي الصباح سوينا لنا قهوة عربية مع تمر سكري واحلا صباحية باريسية طلعنا على الشانز وقصينا ثلاث تذاكر لمدة يومين على الباص السياحي حقيقة تجربة جميلة ويلفبك اغلب معالم باريس بـ 12 يور ويابلاش من الساعة 9 صباح الى 8 مساء نزلنا في متحف اللوفر الرائع جلسنا فيه حوالي اربع ساعات وماخلصناه من داخل المبنى الهرمي الزجاجي اليوم الثالث لف بنا الباص على باقي المعالم الي ماشفناها وبعدها استقرينا في منطقة برج ايفل الي حبيناها نهر وبرج واكل وغدوة على متن سفين تمشي بك في وسط النهر سعادة يالله من فضلك وقبل كل شي صورت البرج مع طلوع الشمس ومن داخل الغرفة قصر نابليون منطقة الاديفانس من حبي للبرج غثيته بالتصوير ماقلت لكم الجالكسي يجي منه هذي بالجوال يتبع يتبع
|
|
|