لاشك ماني معترض ذي الاقدار
الموت جمّه وابن ادم يردها
علمٍ سمعته وانتشر عبر الاخبار
زود على حال السعودي جهدها
كن الحشا منّه تلاهب به النار
المملكه قالو توفى اسدها
نايف توفى واحزنت لجله الدار
والله يعيض المملكه في ولدها
ذاك الامير اللي مشى درب الاخيار
النايف اللي كل فتنه خمدها
اللي منع خبث النوايا والافكار
ودقق خشوم اهل الفساد وفسدها
واللي خذل كيد الحواسد والاشرار
واللي ردع اهل الضلال ورصدها
حراً خدم دينه وقف ضد الاخطار
مايرضى للأمه تضيّع رشدها
نبكيك يانايف مدى طول الاعمار
نبكيك يادرع البلاد وسندها
يالله عسا قبرك تغذيه الامطار
وتنثر عليه دهم السحايب بردها
ويارب جعلك في بساتين وانهار
وعسى لك الجنه ووافي رغدها
شعر//
ابراهيم الذبياني
2012-06-18, 12:37 AM
الله يعيض المملكه في ولدها (مرثيه في الامير نايف بن عبدالعزيز) يرحمه الله
العرض الشجري