دكة الشيبان

[غانم الضومري]

المشاركة الأصلية كتبت بواسطة الركام

يادكة الشيبان مانيب زعــــــــــلان
والشيب لو ماقلت فيني يبينــــــــي
لا والله الا امر دايم وولهـــــــــــان
واحبكم ياللي تطرون ويــــــــــنــي
واحيان عند النت جالس وسهــران
لكن ما اقدر اترجم حنينـــــــــــــي
يطري فرح ساعة وساعات احزان
ولا ودي اكتب كل شي حزينـــــــي
وان قلت وقتي زين فالصدق مازان
ومانيب شاكي لغير رب عوينـــــي

والله إنك لشاعر جزل وأن كلمة متمكن حق لك مشروع وأنت أهل له ..

الشعر أحيانا لا يكشف شخصية شاعره .. أما الكتابة فإنك تستطيع معرفة شخصية الكاتب من موضوع أو موضوعين .. تستطيع تصفحه ورقة ورقة دون عناء ..

أما الشاعر الذي لا يتحدث كثيرا .. وجل حديثه شعرا .. فإن الشاعر وحده من يستطيع معرفة زميله الشاعر عبر قرينه الشعري ..ههه .

أهلا هلا باللي يسير مسيان
بالليل شيبه يختفي ما يبيني

تلقى بهالدكه سواليف شيبان
إما الكسرات والا هجيــنـــي


حرفك يشيل بداخله هم واحزان
نبرة ألم مصدر هذاك الحنـيـنـي


يامرحبا باللي به الشيب مابان
توه صغير ما وصل أربعينــي


هلا وغلا بالركام ..

تحيتي