لا تصير في دنياك يالعبد مغرور

[ابن حماد]

اليكم احبتي هذه النصيحه لعلها تنال اعجابكم

يالادمي مانته على الحـــــكي مجبور
لصار مـــــاتزن كلامــــــــــك بميزان

اما تعد الحق والصـــــــدق والنــــور
والا السكوت اخير من قـــــول بهتان

وش قال سيد الناس في شاهد الزور
كرر وعيدٍ ترتجف منــــــه الابدان

من كان له قلبٍ بالايمــــــان معمور
خوفه من المولي على قدر الايمان

لاتصير في دنيـــــاك يالعبد مغرور
دنيا دنيه كل من فوقــــــــها فان

امن القصــــور الفارهه ننزل قبور
نودع بها وتصير منزل ومسكان

ومن راح مايرجع قبل نفخة الصور
واليا نفخ يقـــوم حافي وعريـــــان

امن الفزع والــــــخوف والذل مذعور
يومٍ به الشبــــــــــــان تصير شيبان

يلقا العمل بكتاب محصى ومنشور
فيه العمل من دون زودن ونقصان

احدن اكتابه في يمينه ومســـرور
واحدن اكتابه في شماله وخسران

واحدن منعم في مساكن مع الحور
اللي كما الياقوت وعقود مرجان

كن الخدم لولو من الحســـن منثور
هذا خدمـهم كيف في صـاحب الشان

اعمل لها في جهـد ياطيب الشــور
دام العمل مازال في وقت الامكان