مساء الخير للجميع
ابعطيكم اعلوم الامطار الي انا مشيتها اليوم الله يديمها وينزل البركه
مشيت الساعه السادسه والنصف من ام ارقيبه بتجاه محافظة الدوادمي جعلها السيل المطر طول الييل وهو ديم مستمرومن ام ارقيبه الي المجمعه وهي سيول لله الحمد جميع الاوديه تمشي من ظمنا السحيمي ووادي الارطاويه والحثاكي كلها من الجال للجال وجميع الاوديه الباقيه حتي وصلت المجمعه ومن المجمعه حتي المشقر الماء واجد والشعاب الصغيره ماشيه والكبيره الماء فيها واد ومن المشقر الي اشيقر تشوف اوجيه الماء بالارض بدون انذور ومن اشيقر حتي يوق الابل القديم الاوديه تمشي ومن سوق الابل القديم حتي المحمديه والماء واجد ومنها الي الدوادمي يرزق الله سواد ثراء والخير بالطريق
هاذي علومي وسلامتكم00
2011-11-29, 12:18 PM
العرض الشجري