يا ضلع جعل الغيث يسقيك نوه *** من مزنة غرا مطرها رهاواه

[الوااا(بالله)اااثق]

بسم الله الرحمن الرحيم

السلام عليكم ورحمة الله وبركاته

مع دخول الوسم

الله يكتب فيه الخير الكثير والعميم على كل ديار المسلمين برحمته وإرادته سبحانه

أقدم لكم هدية رائعة عبارة عن شيلة محببة للقلب

أرجوا أن تنال إعجابكم


https://www.youtube.com/watch?v=FrX71...eature=related


يا ضلع جعل الغيث يسقيك نوه *** من مزنةٍ غرا مطرها رهاوه

ضلعٍ اذا زاد الدهر زاد قوه *** ما جاه من طول الليالي رخاوه

ضلعٍ اذا سقت القدم في علوه *** جلست لي في مجلسٍ له طراوه

عقب البطى شوفة فياضه وجوه *** يبعد عن القلب الشقي الشقاوه

بيني وبينه خوةٍ وأي خوه *** خوة قسا ماهي بخوة فضاوه

أليا انزعجت من الزمان المشوه *** لقيت في عالي نباه الهداوه

وان بار في الرفقه قليل المروه *** في قمته شفت الوفا والحفاوه

صديت به يوم الدهر زاد سوه *** وعن عالمه قطع العلاقه نجاوه

ناس على الهفوات فيهم جروه *** تركض لجمع المال ركض الفلاوه

نظراتهم للمال كثره وشوه *** الـمال مقياس الــغلا والعــداوه

رجـلٍ بليا مال كل عـدوه *** وراعي الكنوز الطايله في النباوه

والمال كم شيّخ من الناس بوه *** لو كان ما يسوى من القدر ماوه

والقل كم لوى مذارع فتوه *** هو من هلا الردات وأهل الصخاوه

يضحك على الطيب ردي الربوه *** طيور شلوا بيدتها الصعاوه

من الحسد قام يحذف ويتفوه *** وبيته لصلفات الهبايب مفاوه

ناس مشو على الطريق المشوه *** صلى بهم من لا يعرف التلاوه

ممشى الفتى في خايعٍ سال توه *** قفر عليه من الحباري حراوه

يبعد عن الأنذال ويشب ضوه *** ويحط منزاله براس العلاوه

يبرد بها صدره ويرفع سموه *** ويشوف للدنيا طراه وحلاوه

مما راق لي