قصيدة للشآعر : ثآمر شبيب
راحت من يديني كذا وانا اناظر في يدي
لا قادر اوصل دربها ولا قادر أقوى بعادها
حسيت يوم إفراقها كن إجسدي ماهو إجسدي
مثل الشعوب اللي تحس غربة وهي ببلادها
قولوا لها محتاجها والشوق حاديني حدي
تعبت من كثر السهر البعد نفسي بادها
ضاع جهدي فدوة لها لو منها ضاع جهدي
أحط موعد وانتظر يمكن تجي بميعادها
هي بس ترجعلي وأنا نذرٍ عليّ أذبح فدي
واني ماعاد انسى ابد تاريخ عيد ميلادها
أزعلتها وكان السبب تافه مثل وجه الردي
أني نسيت أذكر ابارك للفرح بعيادها
تطور الموقف وانا ماكنت في الموقف هدي
كابرت أنا ومثلي بعد هي كابرت بعنادها
الحق معها واعترف والحق ما والله يغدي
والغلطة ماتحسب على اللي لا غلط ماعادها
قولوا لها يشهد علي الليل والجرح الندي
ساعة عطتني ظهرها والقلب يصرخ << نادها
وان كانها عيت تجي وراحت ورى البعد تعدي
الله معاها بس تقول البعد وش هو فادها
واذا سكتت أو دنّقت أو طالعة صوب الجدي
تراها ودها بالرجوع وعنادها ماقادها
خلوها لي وأنا أجي أحط يدها في يدي
وكان العناد بـ راسها أبوس راس عنادها
2011-02-20, 02:28 PM
قولوا لها يشهد علي الليل والجرح الندي :×: ساعة عطتني ضهرها والقلب يصرخ << نادها
العرض الشجري