التعليمـــات |
التقويم |
|
|
أدوات الموضوع | انواع عرض الموضوع |
#1
|
|||
|
|||
ورد الديدحان.......
المناسبه: في يوم الخميس الموافق 4/3/2010 اتصل علي الاخ / سعود الكردي(ابويحيى) والاخ / غيث الغيث من منطقة (الاقرع) و(الحنظليه) بين عرعر والجوف وذكرا لي انهم الان يستمتعان بمناظر ورود الربيع بما في ذلك ورود الديدحان. وبعد المكالمه مباشره ولدت هذه القصيده التي آمل ان تنال استحسانكم: هـنيكم ياللي (بالاقرع) تدوجـــون بين الـزهـور اليـانـعـه والـنـديـــه وانا ادوج بالخـبر تقل مـسـجــون ولا لي على ترك الخبر مـقـدريــه ياغيث قلبي في هوى البر مفـتون وعيني تمنى شوفة الـحـنـظـلـيــه ياغـيث تـكـفى لبويحيى تـقـولـون خـويكـم ضاقـت عـليه الـفـضـيــه خويكم في خـنجر الوقت مطعـون وجـروح قـلـبـه يابويحيى خـفـيـه قولوا حبيس الدار لازال مـغـبـون من فـكـت الاطـنـاب ذيك الـعـشـيه يوم انكم للفـرش ياسعود تطـوون والحزن ضافي تقل بشت اجوديـه والله مانـسى يـوم عـنـا تـقـفـــون لحـظـة فــراقٍ بالـمآسي غــنــيــه نفسي تمنى مجـلسٍ به تـقـهـوون مع تمرة اهل الجـوف والشاذليــه وسوالفٍ يطـرب لها كل مـحـزون بالبر تـسـلى كـل نـفـسٍ شـقـيــــه ياسعود ورد الديدحان لاتـوطــون تراها عـندي يابويحيى حـظـيــــه صبوا عليها الماء قبل لاتـعـــدون خلوها تزهر بالـفـيـاض الـعــــذيه وان كـنـتـم لذيك الليالي تـحـنــون انا حـنـيـنـي تـقـل صـوت رعـديه قولوا .. ولا للـرد منه تـحــــرون إن رد .. رد بفعل .. ذيب السـريه يالله يامنجي من الحوت ذي النون يارب تـغـفر كـل ذنـب وخــطــيـــه والخاتمه ياللي حضرتوا تـصلـون عـلى رسـول الله خــيـر الـبـريــــه احمد بن عبدالرحمن العريفي (نديم المجره)
التعديل الأخير تم بواسطة نديم المجره ; 2011-01-13 الساعة 12:50 PM |
|
|