علقت انا قلب الهوى00 محاوره

[المخلص]

بسم الله الرحمن الرحيم
السلا م عليكم ورحمة الله وبركاته
زارني احد ابناء عمومتي وراى في ذهني سرحانا 0 بعد وصوله الديره
ارسل ورقه فيها بيتين 0 ورددت عليه ببيتين00 احببت تقرؤها
علها تصل الى ذوقكم الرفيع
رسالته تقول00
سميت باللي خالق سبع الاطباق
الواحد اللي رازق للمخاليق

مرسل مزون ترتكم وسط الافاق
رعوده تقاصف مع بروق شواعيق

من بعد ذا سار القلم فوق الاوراق
من شاعر مبدع وبالقاف ماعيق

بيوت كما الشهلول حلوودفاق
والاكما العسل المصفى الى ذيق

برسل بيوت وقت طلعات الاشراق
بيوت شعر هيضت داخل الصناديق

الى ان قال00
يا0000انا ياصاحبي خاطري ضاق
ضاق الصدر من عقب شفت التفاريق

تقول كن القلب مربوط بوثاق
وجسمي بعيد عنه من دونه طويق

دايم هواجيسي تصانيف وارناق
وش حيلتي ياللي تذب الشواهيق

عسى الولي يحضاك بخيارالاوفاق
وصلو ا على المختار ما انبت زما ليق

وارسلت له ورقه فيها بيتين 000

ياحي مرسول على كيفنا لاق
ولاكل مرسول على كيفنا يليق

ومن بعد ذا قربت جيب وسواق
توه جديد بمعرضه مابعدسيق

اليا مشى قام يتدريق تدرياق
ماكنه الاوروك بعض المخاليق

ابغيه الى منه خذا الخطو نساق
كنه قطات ذيروها تفافيق

الى ان قلت 00
كانك تذم الوقت فالوقت بواق
لاتنظر نو سرى به براريق

وان كان قلبك مع طويلا الاعناق
فا ضرب على الكايد وخل التواهيق

وان كان قلبك غادي فيه خفاق
قلبي قبل قلبك غدا به خفافيق

وان كان قلبك داله مابعد فاق
فصبرعلى ماجاك ياناشف الريق

لاتطري الفرقى ولاتطري فراق
كم واحد قبلك غدا له تفاريق

ترى حلات الناس في طبع الاخلاق
والا الفلوس اليوم ملي الصناديق

علقت انا قلب الهوى فوق معلاق
وعسى تشيله نايفات المعاليق
اخوكم ومحبكم
المخلص