ماهقيت ان الزمان اللي تحداني يهدي

[الركام]

ماهـقـيت ان الزمــان اللي تحـداني يهـدي

آه من طول انتظاري صار كل الوقت ضدي = اعترف واقول ماني قادر وخصمي زماني

آه من كل الـجـروح اتزيد وانا اقــول حدي = عارف واقـول ابا جــرب ولو تصــفي ثواني

ماهـقـيت ان الزمــان اللي تحـداني يهـدي = كيـف واني عارف ان الوقـت هذا قـد نواني

عارف ان اللي بقى من العـمر ملزوم يعدي = واتشـــوق للسنين المـقبـله والنــقــص باني

نحـتري يوم جــديد وعــارفين لاجــديدي = مير بنهون على النفس و بنعــطيـهـا الاماني

قلت بعض وكاتم اللي ساكن بالصدر عندي = مـاحـد يعشـق حياة وعـارف ان العـمر فاني

وانت يالـمـخـدوع في دنياك مـلزوم تـهـدي = اعتبر بالمـاضي اللي صــوره لك من يعـاني

من تصـورها على الواقـع بـيقـنـع بالـنفـادي = ويعـلم ان العـمر مهـما طال مـابه عـمر ثاني

يازمان كــل منـا صــار يشـــكي ولا يفـيـدي = غـارقيـن في بحـــور لابـها ســـفن ومــــواني

ياعسى الله يجعل النا في تواليهاالسدادي = ونختــمـها بخير الاعــمــال ونوفق بالجـنـاني

والختم صلوا على محمد رسول خير هادي = الشــفيـع اللي يشــفـع يوم تــهنـانا التـهاني

الركام