يا طير

[صبح المطر]

السلام عليكم
وأسعد الله جميع أوقاتكم بالخير والمحبة

قصيدة أتمنى أن تحضى بنور مروركم الأرقى

/

يا طيـر يالـلـي تــرف الـريـش بالـنـودي= ضف السماء لا تذكر ذيك الأغصاني

هاجـر وتلقـى سمـاك افــراح وسـعـودي = لا تقتل الصبح في بحات الأشجاني

أطلـق جناحـك وغـرد مـأنـت مـحـدودي = فضاك واسع يبدد كل الأحزاني

لا تنتـظـر بالرحـيـل النـقـص والـــزودي = دام الخطأ للزمن لزمه وعنواني

إطعـن حنينـك وكابـر غيـض وعـنـودي = خل الثرى يفتقد هتان الأمزاني

خل الشجر في مكانـه غصـن مجـرودي = بين الرياح وحفيف اوراق الأزماني

وأنـا بـعـد يا سـمـوح النـفـس ملـهـودي = من حيرة ٍ ما تفارق نبض وجداني

تعبـت ما شفـت طيـبـة صـبـر منـشـودي = مثلك زماني خذل حلمي وعناني

لقـيـت الأطــلال مــرة تـنـشـد عـــدودي = تنشد ولهفة خواطرها على شاني

طـارق هواهـا وقـف فـي بـاب مـردودي= واقفت وساقت بدرب خطاي هجراني

يا طـول سـكـة شـقـاي برحـلـة سـنـودي = يوم الأمل ما توفق وأصبح الجاني

يكـفـي قلـيـل العـتـب لا وافــق صــدودي = يبطي بوجه السنين العوج ما هاني

غريب وأسكن شموخي وأعرف حدودي = وأقراء المعاني واجاملها وتقراني

واليـوم كيـف الطعـون تسـم مقـصـودي = وشلون تظلم وتجرح بوح الأوزاني

صبح المطر