| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2009-12-28, 08:55 PM
|
|||
|
|||
|
نفود وشعبان جراب ربيع وطيور وضباب وغيرهابعدسة(ابوالجازي)
بسم الله الرحمن الرحيم السلام عليكم ورحمة الله وبركاته اخواني واحبابي اعضاء ومشرفين واداره وزوار هذي صور لرحلتنا لجراب وشعبانها الاسبوع الماضي واللي قبله ابي ابدا بصور الطيور اللي تم تصويرها اثناء الرحله قبل الطيور هذي صورة سيارة احد المواطنين صادفتها بأحد محطات الارطاويه وعليها ملصقات تعبر عن فرحته بعودة ولي العهد معافا  اول الطيور اعتقد انها دخلة الشتاء اذا انا مانيب واهم  وهذي احد انواع البوم وتسمى الفيوم او الكندره  وهذا الطائر من الطيور المهاجره النادره عندنا ويهاجر بأعداد قليله ويسمى ابو لحيّه بتشديد الياء ويميزه القرون اللي على راسه  وهذي صوره ثانيه لنفس الطائر  وهذا الشبوط او الحميميق او الباشق يحوم فوقي ويناظرني  وهذا الطير اللي يدربل عليه من بعيد يقول وش هالفارسي اللي يسوا خمسمية الف وهو يسمى عقاب ابا الجراذي او القطره  وهذا نوع اخر من العقبان وهو ضخم بحجمه ونسميه العقاب الحبشي  الان نبدا بصور الربيع هذي الروضه نسيت اسمها لكنها بالقرب من دعب الظبي  وهذي بشعيب غيانا تراه ماهيب بصلاله  وهذي اسفل شعيب الرحبه والبل مفليه فيه  وهذي من نفس شعيب الرحبه واللي بالسما ماهوب غيم هذا ضباب او قبيس صباح يوم الجمعه الماضيه  وهذا الفرت صادفته في شعيب غيانا واعتقد ان موديله 65 وهو لااحد اهالي مدينة الزلفي  ارجو عدم الرد باقي بالموضوع بقيه
|
|
#2
2009-12-28, 09:07 PM
|
|||
|
|||
نكمل معكم باقي الصور هنا احد اعضاء الرحله اثنا التلويح للطير مع الغروب  وهنا بعد ما قضب الطير (الله يمده بالصحة والعافيه وطولة العمر)  وهذي السمره على ضو النجوم وتبان بالصوره الجوزاء  وهذا الضباب وحنا في مراحنا بالنفود صباح الجمعه الباكر  وبعد ماطلعنا من النفود صادفنا الضباب وهو نازل على الارض وكأن الارض تبوّخ او كأنه سحابه تمشي على الارض  طبعا مع الضباب قطرات الندى تحلو على الاغصان وهذي قطرة ندى ينعكس بداخلها صورة النيسان  وبين النفود والشعبان صادفنا هالخيل مع البل  والردف طعسٍ زاميٍ ماوطيبه عقب المطر شمس العصير اشرقت به ارجو ان الربع مايشرهون ترى القلب خضر  الله على هالمنظر وانا مترفع على طويله جو اهل سيارتين مسرعين ووقفوا فجأه ونزلوا وتوضأوا وصلوا وكانت هذي الصوره الروحانيه  سيف النفود مع الشروق  لحظة انطلاق الطير بخلفيه سوداء  وهنا لحظة انطلاق الطير على هدد الحمام  وختام الموضوع اهدي لكم هذه الصوره  انتهى الموضوع ان اصبت فمن الله وحده وان اخطأت فمن نفسي والشيطان وتقبلوا وافر احترام وتقدير محبكم (ابوالجازي) (((بــدر الغــذّامـي)))
|
|
#3
2009-12-28, 09:22 PM
|
|||
|
|||
|
وعليكم السلام ورحمة الله وبركاته أولاً / يا سعدي ومن حسن حظي أول رد ياربااااااااااااهـ (فارس عوض) على غفلهـ ثانياً / نرد على الموضوع ماشاء الله تبارك الله وش نقول وش نخلي أبو الجازي ما عقبك حسوفهـ إن قلنا تقرير ولاهـ وش من تقرير وإن قلنا تصوير ولا أي تصوير (أبي دروس بتصوير الطيور بالذات) أما هذي فأنا دايخ عندها أهني الإبداع فيك أبو الجازي والله لو بحسي من اليوم لباسر لن أوفيك حقك من التقرير مشكلتي لا أعرف أن أعبر عن شعوري<<<<قل وش بقي ما قلته لا تلومني هذا طبعي عندما أعجب بموضوع سجلني من المتابعين لك منذ مدهـ ليست بالقصيرهـ والله يديمها من متابعهـ تستاهل كل خير والله يهنيكم ويرضى عليكم ويديمها عليكم من جمعهـ طيبه على طاعته سلامي للنشاما والشقرديه وما قصرت كفيت ووفيت دمتم بحفظ الله ورعايته
|
|
#4
2009-12-28, 09:28 PM
|
|||
|
|||
|
ما شاء الله تبارك الله أكثر الصور وأنا أسميها تحف من الظلم وضعها في موضوع واحد وكان المفروض كل صورة تكون في موضوع بقسم التصوير خاصة صورة الطير تصلح غلاف لشريط صيد ومقانيص V V وهذا خياليه والوانها ساحرة شكراً لك أخي أبو الجازي على إمتاعنا بهذه الصور الرائعة وجزاك الله خير
|
|
#6
2009-12-28, 10:05 PM
|
|||
|
|||
|
اقتباس:
هلابك وغلا يا رحال الا انا اللي ياسعدي بوجود ردك ومن دوعي سروري وافتخاري انك من المتابعين لي وهذا اعتبره من تواضعك وبالنسبه للتعليم تصوير الطيور فأنت مدرسه ما شاء الله عليك اشكرك على مرورك والاطراء والثناء الله يبيض وجهك اقتباس:
الله الله الله هلا بملك التصوير خط الاستواء بشحمه ولحمه هنا سررت بردك وتواجدك والاطراء وبالنسبه لبعض الصور اللي كل وحده يبي لها موضوع مستقل فشباب البراري يستاهلون اكثر من كذا اشكرك على كلماتك اللتي ملأت ارجاء متصفحي نوراً ولا يهون باقي الشباب اقتباس:
والابداع لايكتمل الا بمرورك انت وامثالك لك مني جزيل الشكر على مرورك العطر الله يبيض وجهك
|
|
#7
2009-12-28, 10:47 PM
|
||||
|
||||
|
بيض الله وجهك أخي أبو الجازي تقرير في قمة الروعة الله يعطيك العافية
|
|
#10
2009-12-29, 07:00 AM
|
|||
|
|||
|
اقتباس:
ووجهك يا محمد بن حمد ابيض وقمة الروعه وجود ردك انت وشرواك لاهنت الله يعطيك العافيه اقتباس:
شاكر لك تواجدك وردك الله يعطيك العافيه اقتباس:
هلابك يالفي سعدت بردك الله يسعدك شاكر لك ومقدر الله لايهينك
|
|
|
|
العرض العادي
