ماهو أفضل أنواع الحطب ولماذا ؟

[مغلي]

كم اسعار كل نوع الان ... طبعا صندوق هايلوكس غماره وغمارتين مسح التنده

وايضا الدينات

بالرياض

[abadi15]

الأرطا ثم السمر وغيره لا تدور

[أم سيلان]

سمر المدينة .. وان ما حصل سمر الحوطة .

بالنسبة لي

تحياتي

[تميمي ثرمداوي]

الأخوان ماقصروا ذكروا لك السمر والأرطا والغضا والسلم والطلح ...

وهذي الكل يتفق عليها ... بس انا بزود عليهم ولاهو قصورن فيهم بس بحكم تجربة بضيف ( السدره ) عندنا سدره من اكثر من 10 سنين وماخلصت للحين ..

[الظـامي]

غير السمر لاتدور وانا اخوك ريحة وجمره ومنظر

بشبته وجمرته وتطول جمرته اطول من غيره

تحيتي لشخصك الكريم والاخوة الكرام

[الرفيعة]

السمر بس حاليا محمي من قبل القانون عن القطع
الا في حال كان يابس وطايح من نفسه