امطار سهل ركبه في شهر الخير 2-9-1430هـ

[مطنوخ]

السلام عليكم ورحمة الله وبركاته

وكل عام وانتم بخير

مطرنا بفضل الله ورحمته اللهم لك الحمد امطار وبراد نسانا العطش والحر حتى الواحد اذا افطر مايدور الماء الا تالي

اليوم على الساعه ثلاثه وربع عصراً اتجهت من الحويه للحلال تقريبا 50 كيلو شمال على خط الرياض قلت فرصه افطر هناك واستمتع بمنظر المزون و مشاهدة السيول والجو مبشر بخير
المهم مالكم في الطويله :new3:

من يوم مشيت لين وصلت والارض ممطوره وصادفتني سحابه طيبه بالحيل تمطر معي من قبل كبري عشيره الين ماتعديت القرشيات والحزوم مليانه بالماء والسماء تصب وهذي الصور لها

من قوة المطر ماتشوف اكثر من 100متر:180_01233992940:

الماء يمشي مع جوانب الخط

بعد ماتعديت وادي القرشيات مالقيت الا رش خفيف سبقني والسحاب زد اقفى وصار غرب عني واناظر شرق للسماء صحو وقتها شان خاطري :thumbdown: قلت السحاب اقفى ولاش شئ غير الرش اللي سبقني لكن امر الله فوق كل شئ وصلت للحلال والهواء غربي ويبشر بخير لان السحاب يردم معه وقت الخريف:smi71:

ونص ساعه والا اشوف هاك المزن اللي يحبه قلبك جاي من شرق

بغيت اتشقق من الفرحه سبحان من امره بين كاف ونون

وبداء السحاب يردم ويتوسع والرعد اله جلجله في وسطه

ويوم شفت هالمنظر صابتني دهشه وخوف وفرحه كلهن بوقت واحد شوفوا قوة المطر كيف نازل

تخيل انك ماعاد تفرق بين السحاب والارض صارت كلها بمستوى واحد

ثم سمى الخير علينا والهواء يصتفق من كل جهه غربي وجنوبي وشمالي وبدا الماء يبين في الحزوم

وكل حزم يقول لجاره هاك اشرب انا رويت

يتبع الرجاء الانتظار ..

[مطنوخ]

متبوع

وبدت الخطوط تمشي ويازين المطر براد ورعود يطرب لها القلب

والدنيا غرقانه وانا غرقت كل شوي نازل اصور :new3:

والمسايل بدت تمشي

والعشر مبسوط بالسيل وبعضه يبس من لواهيب القيض وشح المطر لكن رحمة الله واسعه:180_11233992940:

اللهم لك الحمد

نسيت الفطور من الفرحه امشي واصور والمغرب اذن

انتهى التقرير
والحمد لله اولا واخراً

[سلطان ينبع]

ماشاء الله تبارك الرحمن عليك
أخي المبدع والمتألق: مطنوخ

تقرير مصور مميز
نبارك لكم حلول شهر رمضان المبارك ونبارك لكم هذه الامطار
هنيكم الرحمة

شاكرين ومقدرين لك
على هذا التميز الجميل بتقرير مصور رائع

يستحق الخمس نجوم وأكثر

لاهنت
وبكل شوق ننتظر منك المزيد

لاتحرمنا يا الغالي
ترا راح تشوقنا كثيراً لجديدك

تقبل ودي وتقديري,,,

[مراسل/جدة]

===============

الف الف شكر أخي منطوخ //

بارك الله فيك اخوي //

ومبروك على هذه الأجواء الماتعه //

وتسلم والله على التقرير الرائع //

================

[نبض القلووب]

مشكور يالمطنوخ على التقرير

ومبروكين الأمطار

والله ينفع بها الأرض والعباد ان شاء الله

[عبدالهادي المفرج التميمي]

يازين فطوووور مع غيوب الشمس والارض تمشي
اللهم لك الحمد والشكر على هالخيرااات
تسلم يمينك اخوووووي
والله انك شرحت صدورنا بالصووور الجميلة
مشكووووووور




سلام

[الراصد]

عزا الله انك مطنوخ
افضل تقرير يحكي قصة الأمطار هذه الأيام
بارك الله فيك ووفقك والشهر عليك مبارك

[بن سعيّد]

مشكور ثم مشكور ثم عسى من خلفوك في الجنة وجزاك الله خير

[المووج]

الله يعطيك العافية

[عبدالعزيز]

جزيت خيرا وبورك فيك .. //

صور جدا ممتعه .. //

دمت بخير .. //