| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2013-05-27, 09:06 AM
|
|||
|
|||
رحلتي لأشيقر ويوجد قرابة 160 صورة .
 يالله مسهم بالخير حي الله الغالين مشرفين وأعضاء وزوار منتدانا الغالي . حبيت أضع بين أيديكم رحلتي المتواضعة لأشيقر وكانت الانطلاقة يوم الجمعة 14/7/1434هـ من مدينة بريدة الساعة قرابة 1:40 م واعذروني لأنقطاعي عنكم لظروف قاهرة . ((وكانوا أعضاء الرحلة)) (( الأمير أبو يوسف * الصقار ابو عبدالعزيز * الصقار ابوبدر * الصقار ابوحسن * ابوثامر * وابوحمد * ابو عبدالعزيز عادل * ابومحمد فيصل * ابومحمد احمد * ابومشعل * محدثكم الطرس ممدوح )) وانتم عارفين الحرص على الرفقة الطيبه واللي ترفع الراس شرواكم وتجنب الردي وراعي النميمة وكما قال الشاعر والـصاحـب الـلــي عـشـرتـه تـرفــع الــــراس *** أشــري رضــى نفـسـه لـــو أخـســر حـلالــــــي مــن زود طيـبــــه مــا يـجـي عـنـدي الـيــاس *** أفــخـــر و أمــاريــبــه لاجــــــا لــه مــجــالـــــي مـــــن رافـــق الـخـايــب مــرده لــلأفـــلاس *** قــلـــتــــه وقـالوا مـحــتــمــيــن الـــتـــوالـــــــــي الـرفـقـة الــلــي مــا تـثـبــت عــلــى ســاس *** أقــــــــرب نـتـايــجــهــا الــفنـــا والــــزوالــــــــي (( ومحشومين عن البيتين الأخيرات )) وآسف على الإطالة واعذروني على القصور يالغالين ونبدأ معكم الرحلة بسم الله توكلنا على الله مشينا من بريدة  ابشركم الحمدلله وصلنا مفرق أشيقر  روعة شكل السراب  هذا الصقار ابوبدر ماشاء الله الله يطعمك من خيره ويكفيك شره تستاهل الزين  وبعد مفرق ام حزم لقينا هذا المنقع عقب السيل الأخير على معتقد الله . يطرح فيه البركة قلت خلنا نأخذ له صورة ويزين تصلح القهوة والخادرعنده العصرية روعة   وهذي لعيونكم يالغالين     بعد ذلك تم أكمال المسير لكن حصل عندي شك في المسافه لأشيقرالمفروض الواحد لاتجه لها تنقص المسافة لكن شفت أشيقر بالوحة كل مالها تبعد عنا ؟؟!! ههههههههه  الحمدلله وصلنا اول ماجانا الدوار اخذنا يسار حتى تاقف بمركز أشيقر   وهذا مركز أشيقر  أخذنا يسار لأشيقر القديمة وابشركم الحمدلله وصلنا   ماشاء الله شغل متعوب عليه اهني اهل أشيقر على الشغل العدل هذي بوابة القرية الرسمية   لطفاً يالغالين عدم الرد حتى يكتمل الموضوع
|
|
#2
2013-05-27, 12:10 PM
|
|||
|
|||
|
       لحظة وقوفنا وسط القرية  هذا السوق الاول وفيه دكان ( بقاله ) يبيع اكثر الاشياء القديمة   هذا الدكان  الله قديمه هذي اللعبه نسميها منول شختك بختك عاد يقالي عمري 70 سنة هههههههه  لاتتهولون يالربع من اكثر الأغراض الموجودة ومنين جابها     لطفاً يالغالين عدم الرد حتى يكتمل الموضوع
|
|
#3
2013-05-27, 12:11 PM
|
|||
|
|||
|
ذبحتن يابوبدر على الشاهي اشهد انك راعي كيف
|
|
#4
2013-05-27, 12:12 PM
|
|||
|
|||
|
 هذي خريطة للقرية      صورة بانورامية للقريبة   هذي سحاره  وهذي غرفة العروس  وهذا دكان الاولين   وهذي جصه ( مخزن للتمر ) اللهم لك الحمد على النعمة عبارة عن لبن وطين وفرش حصى وتراهم لحطو التمر فيها يدخل واحد وسطها ويضمده في رجلينه   وهذي صورة من داخلها   لطفاً يالغالين عدم الرد حتى يكتمل الموضوع
|
|
#5
2013-05-27, 12:13 PM
|
|||
|
|||
|
وهذي حراثة الأولين  وهذي لوحاتهم    التلفونات الاوله الله المستعان  هذي الجولات اللي لو انت تحت جبل يتصل  بعدها طلع معنا رجالا شرواكم نسيت اسمه لكن يدعى ابوعبدالله لكي يشرحلنا السوق الداخلي وبعض المنازل والمدارس وغرفة الغرباء والابار ومسجد جد او ابو جد الشيخ محمد بن عبدالوهاب رحمهم الله جميعا وكل مسلم لكن انصح اي واحد اذا حذفه المسير هناك لايبزع يدخل يدور بين الاثار لأنك ماراح تستفيد انا رحت لأشيقر ثلاث مرات وثنتين منهن روعه والاولا مستفدنا لاننا دخلنا كذا بس لكن تلقون ابوعبدالله في قهوة المتحف وهو على طول بيفرح ويمشيكم وهذي لحظة دخولنا بين البيوت  وهدا يشرح لنا يقول هذي الساحة تسمى السوق ويجي الماء لجت السيول يصب على القليب واللي واقف عندها ابوعبدالله وابوحسن هي سواني   بعدها انطلقنا إلى مسجد جد او ابو جد الشيخ محمد بن عبدالوهاب رحمهم الله جميعا وكل مسلم وهذي لححظة دخولنا له ويوجد فيها مدرسة ياجماعة فيه روحانية لاتوصف المساجد الاوله       بعدها قال ابوعبدالله تعالو شوفو الخلوه  بعد ذلك توجهنا لمسجد الشمال اللي فيه غرفة الغرباء  وشوفو صغر الدرج اللهم لك الحمد على النعمة وهذا ابويوسف يوريكم كيف صغرها  لطفاً يالغالين عدم الرد حتى يكتمل الموضوع
|
|
#6
2013-05-27, 12:13 PM
|
|||
|
|||
|
بعدها خرجنا لبعض المنازل الأبار وبعدها كملنا المسير  يقول ابوعبدالله هذا الشعيب يمر على القرية ومنظرة روعة     وهذا بير الربيعية عجيب سبحان الخالق شوفو الفتحتين اللي داخل اتوقع اللي يطيح بياصل ابليس من البعد    وهذا بير ثالث     الغريب ان بعض سقوف البيوت وموضوع هدب واعواد صغيره من الاثل بدال الجريد  لطفاً يالغالين عدم الرد حتى يكتمل الموضوع
|
|
#7
2013-05-27, 12:14 PM
|
|||
|
|||
|
وهذا مسجد ثالث فيه بير      بعدها انطلقنا للمدرسة    وهذي مدرسة اول مدرسة نظامية حكومية في أشيقر فتحت عام 1369هـ تم الدراسة فيه 5سنوات فقط   وصلنا لبيت ابوعبدالله والله ياجماعة اننا بنعمة شوفو اللي بداخل البيت من ضيق الممرات والغرف  هذي الصورة بداخل السور وتصدقون الصاله كلها تجي 5 في 4 تقريباً وهذا الجدار الصغير يقول ابوعبدالله هذا نحط ددبشنا فيه تخيلو الروائح وانتم كرامة شوفو كيف الحاجه  وشوفو الخشبه اللي يمين الصورة هذي يقول ابوعبدالله الحريم يعلقون ثيابهم يمين والرجال يسار هذا الدولاب   وهذي قهوة الرجال    لطفاً يالغالين عدم الرد حتى يكتمل الموضوع
|
|
#8
2013-05-27, 12:15 PM
|
|||
|
|||
|
بعدها توجهنا لجسر صغير قال ابوعبدالله هذي النخلة مسبلها واحد وريعها لتصليح الجسر     وصلنا الحمدلله لسوق اللي فيه الدكان  وبعد ذلك تم التوجة لأقرب مكان حلو علشان نتعشاء فيه وهذي صورة للقرية من الخارج   ولقينا هذا المحل اللي وصى فيه الحكيم والله كفو يالشقردية على طول نزلو الفرشات وشبو النار على بال ابوبدر يجهز القهوة والشاهي     تفضلو الله يحيكم القهوة جاهزة والشاهي جاهز الله محيكم    وهذي لعيونكم  العاب بنات  العاب بنات كفو يابوعبدالعزيز  لطفاً يالغالين عدم الرد حتى يكتمل الموضوع
|
|
#9
2013-05-28, 04:30 AM
|
|||
|
|||
|
وقماري الليله  وبعد الصلاة كملنا الجلسة ليفوتكم الخادر يالله محيكم كفو يابوبدر   عاد قلت خلني اتعلم ترفون رفيقكم عليمي بالتصوير اليوم قمرا وخلنا نجرب الأيزو والصورة هذي واللي بعدها الساعة تقريباً 9:30 مساء   وابوبدر وابوحمد وابوحسن جهزو العشاء الله يكثر خيرهم ولاتباعدون يالربع واعذرونا على القصور حقكم ذبيحة   حاكرها ابوبدر بالتيفال  وعد هذا تعللنا إلى الساعة 11:00 تقريبا والحمدلله ابشركم وصلنا مدينة بريدة   وحبيت اذكركم لاتنسون الدعاء بالفرج العاجل لأخواننا في سوريا خاص وفي كل مكان عامة وان يفك اسرانا واسرى المسلمين وان يعجل الفرج وأعذروني على الشرح المبعثر فإن حصل مني خطأ فمن نفسي والشيطان وإن وفقت للصواب فمن الله وحده والحمدلله اللذي تتم بنعمته الصالحات ولاتنسوني من خالص دعائكم بظهر الغيب 
|
|
#10
2013-05-28, 08:23 AM
|
||||
|
||||
|
وعليكم السلام ورحمة الله
|
|
|
|
العرض المتطور
