لحقوااا عالكبة بمناسبة قرب شهر الخير والبركة

[سراب]

[align=CENTER][table1="width:85%;background-image:url('https://www.albrari.com/vb/mwaextraedit2/backgrounds/12.gif');border:10px ridge darkred;"][cell="filter:;"][align=center]

الكبـــــــــــة

بمناسبة قرب شهر رمضان حبيت انزل هالموضوع

افيدكم فيه وكله من شغل ايدي
كنت نزلت الموضوع بالمنتدى اللي كنت انتسب
له في السابق بمعرفي القديم
شموع الليل

1-الكبة الشامية

مقادير تكفي لعمل 35-40 حبة

العجينة :

كوبين برغل ناعم – ملعقتين دقيق ابيض – فصين ثوم
ملعقتين زيت ذرة – كزبرة خضراء كم عود بس
ملح –كمون بودرة – فلفل اسود
ينقع البرغل لمدة 10 دقايق فقط ويصفى جيدا من الماء ثم يفرم بالمفرمة الكهربائية مع الثوم والكزبرة الخضراء مرتين ثم نضيف عليه الطحين والزيت والتوابل ونعجنه جيدا واذا حسيتي انه قاسي شوي ممكن تضيفي قليل جدا من الماء ليت تبح العجينة لينه نسبيا وكذا تكون العجينة جاهزة

الحشوة :

لحم مفروم تقريبا 500 جرام – فص ثوم - بصلة كبيرة مفرومة فرم نااااااااعم – بقدونس او كرفس مفروم ناااااااعم – بهارات مشكلة –ملح وفلفل اسود
مكسرات ( ممكن استخدام الصنوبر او اللوز المقشور
اللي مقطع بالطول زي شكل الصنوبر )
ونصيحتي بالنسبة للمكسرات
اذا تاكلون الكبة مباشرة بعد ما تسوونها حطوا المكسرات
اما اذا تجمدون الكبة بالفريزر كم يوم لاتحطون لانها بعدين تصير لينة وطعمها مو طيب

طريقة الحشوة

نسلق اللحم المفروم مع عصير ليمونة وفص ثوم ونصفيه
نحمر البصل بالمقلاة مع زيت ذرة ونحط اللحم المفروم عليه وبعدين فص الثوم المدقوق ونضيف البهارات والملح والفلفل لين يتحمر وتطلع الريحة ال وااااااو
نحط البقدونس ونطفي النار
نحمر المكسرات ولما تبرد حشوة اللحم نضيفها عليها

ونجي نسوي الكبة

اول شي نخلي عندنا شوية زيت وشوية ماء علشان نرطب ايدينا كل ما سوينا حبة كبة

ناخذ مقدار حبة الجوز او اكبر شوي من العجينة ونكورها باليد ونخرمها بالاصبع لين نسوي فتحة عميقة ونحشي اللحم ونقفلها ونضبط شكلها لين نخلي لها بوزين من الطرفين
ولما نخلص الكمية لازم نحطها بالفريزر اقل شي نصف ساعة
ونحمر الزيت للقلي لين يسخن مررررة ونحط كم حبة كبة حاولوا ماتكثرون الحبات بالزيت يعني 5 حبات كفاية كل مرة علشان ماتفك معاكم لان البرودة اللي فيها ممكن تبرد الزيت ويخلي الكبة تفك ولازم الزيت غزير—وعليكم بالعافية

هذي صورة لكبة البرغل الشامية بس مشتركة مع سمبوسة هههههه

ومن الداخل

2-كبة البرغل بالطحين

وهالنوع اسهل بكثير من اللي قبلها

العجينة

كوب برغل – 3/4 كوب طحين بر وسط مو اسمر
ملح –رشة بسيييييطة من الخميرة
ينقع البرغل لمدة 10 دقايق ويصفى جيدا من الماء
يضاف له الدقيق والملح والخميرة ويعجن واذا احتاج ماء ممكن نضيف القليل يعني العجينة تكون مايلة للصلابة اكثر منها لينة ونتركها قبل لا تختمر بشوي نحشيها

الحشوة

لحم مفروم – بصل – فص ثوم مدقوق – حبتين طماط صغار
كرفس او بقدونس – بهارات مشكلة – رشة من ( لومي اسود –دارسين – هيل ناعم ) ملح

انا لازم اسلق اللحم بالماء وعصير ليمونة وفص ثوم علشان المواد الحافظة اللي فيه والدسم الزايد
نحمر البصل بزيت ذرة ونحط عليه اللحم المفروم وبعدين فص الثوم المدقوق والبهارات كلها والملح
لين يتحمر وتطلع ريحته الشهية وبعدين نحط الطماط
واخيرا الكرفس ونترك الحشوة لين تبرد ونحشيها

ناخذ مقدار اكبر من حبة الجوز من العجينة ونفردها على اليد ونحشيها ونسويها على شكل كرة ونضغطها
علشان تصير مسطحة شوي

ولازم الكبة يابنات نتركها بالفريزر بعد ما نحشيها اقل شي نصف ساعة وبعدين نقليها
وهالنوع من الكبب ممكن نجمده لأيام بالفريزر ونطلعه قبل الاستخدام بساعة ونقليه

3- كبة الفول وكبة الحمص

الطريقة تنفع للفول وللحمص
هالكبة شغلها كثير علشان كذا افضل لما تسوونها تسوون كمية وتجمدونها

العجينة

كوب فول أو حمص ناشف – طحين النخي (الحمص) – ملعقة طحين بر - كزبرة خضراء – كزبرة ناشفة مطحونة – فصين ثوم – كمون
فلفل اسود –ملح –وشوية زيت للعجن

ينقع الفول او الحمص 4-6 ساعات ثم يسلق بالماء مع قليل ملح لمدة ساعة فقط ويصفى تماما ويترك بصينية حتى يبرد تماما ثم يفرم بالمفرمة الكهربائية مع الثوم والكزبرة الخضراء مرتين
ثم يضاف له طحين النخي حتى يبدأ ينشف من الماء بس خلوه لين شوي ونضيف طحين البر والبهارات والملح والزيت لين تصبح العجينة مايلة لليونة ونتركها جانبا واذا رجعتوا تبون تستخدمونها تأكدوا من ليونتها
لان البقول تشرب الماء بسرعة وممكن تنشف العجينة فزيدوها ماء واعجنوها مرة ثانية

الحشوة

حشوتها مثل حشوة الكبة الشامية تماما بس بدون مكسرات
وشكلها راح يكون شبه دائري ولها بوز من طرف واحد يعني اقرب لشكل حبة الفراولة

ومثل ماقلت لازم تبقى بالفريزر قبل القلي والزيت ساخن وغزير ولا تكثرون حبات بالزيت دايما 5 كفاية

وعليكم بألف صحة وعــــــــافيــــــــة

في حال اذا سويتها باذن الله
راح انزل لكل نوع الطريقة كاملة بالصور
والطريقة

[/align][/cell][/table1][/align]

[صلوا على الحبيب]

الله يبلغنا وأياك شهر رمضان المبارك

ونحن في أحسن حال ويجعلنا من المقبولين فيه

[سراب]

المشاركة الأصلية كتبت بواسطة عاشق الطيب

الله يبلغنا وأياك شهر رمضان المبارك

ونحن في أحسن حال ويجعلنا من المقبولين فيه

اللهم ااامين اشكر مرورك اخي الكريم

[مقطع العروق]

الله يبلغنا وأياك شهر رمضان المبارك

آمين


يعطيك العافية اختي الكريمة

واتمنى يكون هناك وصفة ل 5 حبات

او على الاقل 8 يعني ل(واحد نفر )

بارك الله في جهودك اختي الكريمة

وتقبلي مروووري

[سراب]

المشاركة الأصلية كتبت بواسطة مقطع العروق

الله يبلغنا وأياك شهر رمضان المبارك

آمين


يعطيك العافية اختي الكريمة

واتمنى يكون هناك وصفة ل 5 حبات

او على الاقل 8 يعني ل(واحد نفر )

بارك الله في جهودك اختي الكريمة

وتقبلي مروووري

ههههههههه الا فيه نسوي كثير ونخلي لك
حياك الله اخوي سعد نورت الموضوع

[كمال البدور]

الله يبلغنا وأياكي شهر رمضان المبارك

ونحن في أحسن حال ويجعلنا من المقبولين فيه

اشكرك فاضلتي وبارك الله فيكي

[سراب]

المشاركة الأصلية كتبت بواسطة كمال البدور

الله يبلغنا وأياكي شهر رمضان المبارك

ونحن في أحسن حال ويجعلنا من المقبولين فيه

اشكرك فاضلتي وبارك الله فيكي

اللهم آآآآآآمين يابو سالم وهالله الله باكلات رمضان نبي نشوف شغلكم بالاردن
نورت يالغالي

[ابو طلال الفيفي]

ماشاء الله تبارك الله
عوااافي على قلوبكم
تسلم الأيادي اختي الكريمه

[سراب]

المشاركة الأصلية كتبت بواسطة ضيف الله الفيفي

ماشاء الله تبارك الله

عوااافي على قلوبكم
تسلم الأيادي اختي الكريمه

ربي يعافيك يابوطلال وترى طباعة الصفحة وتعليقها عالثلاجة وارد هنا هههههه
حياك الله يالطيب

[الاطلسي]

ماشاء الله على الابداع

مايجينا شك انه شغل ايديك وهذااللي نبي
مانبي المنقول والمنسوخ اللي ذبحنا
الله يسلمك اختي الكريمة على الحوف
عاد وكبة وشامية وش خليتي
بعداذن الأميرة

تقديري ونجومي

نسيت شي اخت سراب يلزمك كاميرا لوشبه احترافي

والجلاكسي سامسونج يكفيك