كشتة جراب غير 15-16 /4 /1433 .:. سال السيل .:.

سال السيل · 2012-03-11, 10:23 AM

بسم الله الرحمن الرحيم
السلام عليكم ورحمة الله وبركاته..
حيا الله الربع كلهم..

هذي كشتة خفافية ابتدئناه من آخر ظهر الخميس حتى مساء الجمعة..
انطلقنا من الرياض باتجاه شعيب مصده..
وبعد ما راسلنا أحد الكشاتة الطيبين شرواكم في الكنود أشار علينا بفيضة حول أم الذيابة جنب النفود..
وفعلا ما كلمنا لمصده رجعنا لطريق الحفر ورحنا لذيك الفيضة وكانت طيبة وربيعه ممتاز وجنب النفود..
أخذنا به جولة سريعة كنا حول المغرب..
ووجهنا للنفود ومرينا هالحلال قلنا ناخذ حليبه قال يبي له ساعة قلنا باتسر الفجر قال أبشروا به..

وجهنا للنفود واخترنا لنا نقرة طيبة وذارية لأن الهواء تحرك..
وبدينا بتنزيل العفش وتلقيط الحطيبات اللي قريبه..

واستفتحنا طاولة الرماية توي شاريه ممتاز وترتب معاميلك..
وتقطع به خضرتك ولحمك جدا رائعة..
وهذي كم صورتين له..

وهذا من حطب النفود وقدوعنا الطيب..

وبعد القهوة والشاهي والعلوم الغانمة تعشينا شوي..
وأمرحنا ومن باتسر صلينا الفجر ورغبنا تكون قهوتنا بأحد الفياض فمشينا..
ومرينا راعي الحلال ولا قصر بيض الله وجهه..

لكن بلشنا وين نحط الحليب ما لقينا غير حل واحد وهو....

فعلا الكاتم لا يمكن تخاف على الحليب منداخله أمان واستقرار هههههه..

بعده وجهنا لأم حجول وكانت قهوتنا وفطورنا..
ربيعه طيبة وفيها الغنم ترعى ومأثرة على الربيع..

بعد القهوة شبينا على الحليبة الطيبة..
ثم بدينا بالفطور وهالمرة الفطور غير..

بعد الفطور وجهنا للرحبة وبالطريق مرينا على جارد وربيعه لا بأس لكن الغنم لاعبن فيه..

بالطريق للرحبة مرينا هالفيضة الصغيرة ربيعه فاز لكن نبته غريب بلحيييل..

وبالطريق شفنا راعي هالمحل وعنده حطبان عظيمة..
أرجو أن لا يكون أحتطاباً جائرا..

وصلنا للرحبة وربيعه مثل ربيع الفيضة الصغيرة وأخذنا لنا تقيلة خفيفة وبدينا بغدانا..
وهل المرة أبوعمار بيض الله جهه متزهل بالغداء ومواعدنا برز عنبر خااااص..

لأن الهواء متحرك نقعنا الرز بهالطريقة..

على بال ما تطبخ اللحمة ناخذ لنا بيالة شاهي مخدر..

بعد ما طبخت لحمة الحاشي يجي دور الرز..

الطماط جاهز والحبحر والم وين الغداء بس..

الغداء والم أقلطوا حياكم الله..

كان الغداء هو ختام طلعتنا..
ورجعنا مع جراب على طريق الزلفي على الأرطاوية وطلعنا على طريق الرياض القصيم مرورا بالأرطاوية والمجمعة..
كانت كشتة حلوة وخفيفة أتمنى تكون أعجبتكم وتحياتي للجميع..

علي الحميد · 2012-03-11, 12:09 PM

وعليكم السلام ورحمة الله وبركاته

ماشاء الله

تقرير طيب .. بيض الله وجهك ..

والله يديم عليكم الصحة والعافية ..

وتشرق · 2012-03-11, 01:44 PM

دوم علومك غانمة

وآخر شياكة ... ما شاء الله الطاولة والمعاميل

والربيع - تبارك الله - طيب وممتع

الله يعله بغبث من واسع فضله

تحياتي لك وللأحبة ربعك القروم

.