ذكريات الطفوله

[الروض1]

تقبلو مني هذه الابيات وعسى ان تنال اعجابكم..........اخوكم الروض1


تطـرى عليـه ذكريـاتٍ قديـمـه=ذكرى الطفوله والصباوحلوالاوطـان
كـنـا صغاروقتـنـادون قـيـمـه=مانحسب حسابـه ولوكـان ماكـان
نلعـب ونلهـى واليالـي مقيـمـه=ماهمناالعيشـه علـى مـرالازمـان
ابـوى معطينارعـايـه حميـمـه=موفرعليناالخيرمـن دون نقـصـان
ومضفـي عليناباليديـن الكريـمـه=تمضي بناالايام من غيـر حسبـان
كنابقـريـه والمـنـازل عديـمـه=بيـوتٍ شعرفيهامجالـس وديـوان
والكهرباءمـره ومــره عتيـمـه=يسري عليناالليل مـن دون ضيـان
نفـرح ليامـن صاربالحـي وليمـه=حيـث إن فيهايجتمـع كـل خـلان
ونلعب بهاذويبـان وَلـى الكصيمـه=وعظيم ساري يلعـب فـلان وفـلان
ومن بعدهـااروح علـى امٍ حليمـه=وارمي تعب جسمي على هاك الامتان
وتضمنـي حيـث انهابـي رحيمـه=وانسى تعب يومي وهمي بالاحضان
هذيـك والله عيشـةٍ لـي قديـمـه=عيشة براءة طفل بالوقـت سرحـان
وفـجـأه لقيناهاليـالـي عليـمـه=إنابهانكـبـرولا نـظـل بــزران
صرناكباروصارللـوقـت قـيـمـه=وإثري صغيرالسن بالوقـت كبـران

[وضاح]

ونلعب بهاذويبـان وَلـى الكصيمـه=وعظيم ساري يلعـب فـلان وفـلان

هذي العاب شعبية قديمة ما عرفت منها الاعظيم ساري وابي اعرف ( ذويبان والكصيمة)

قصيدة رائعة جدا وخفيفه على اللسان

صح لسانك

[بن سليمان]

صح لسانك اخوي الروض1

قصيدة جميلة جدا وكلها تذكر بالماضي

[الصلبوخي]

صح لسانك وعلا شانك اخي الكريم الروض1

كل الشكروالتقدير

[الروض1]

مرحبا باخواني الي شرفوني في مرورهم الطيب وتعليقهم الجميل
(وضاح)و(بن سليمان)و(الصلبوخي)
وعن سؤال اخي وضاح الكصيمه هي لعبه شعبيه تقوم بثني احد الرجلين والقفز على رجل واحده(الى هي العتبه)
ولعبة ذويبان يقوم الاطفال بمسك بعضهم مثل القطار والذي في المقدمه يقوم بدور الام وهناك من يقوم بدور الذيب
ويحاول ان يمسك احد الاطفال...


ولكم فائق شكري

[الجدي]

قصيدة رائعه

اتمنى ان لا تحرمنا من جديدك

[الغربي]

قصيدة رائعه


صح لسانك وبارك الله فيك

....................................

[معدي المرقاب]

قصيدة جميله جدا


صح لسانك وبارك الله فيك

[الروض1]

مروركم افرحني واسعدني لاعدمتكم اخواني واحبتي(الجدي)و (راع الغرابه)و(معدي المرقاب)

تقبلو وافر الودي والتقدير مني لكم..

[سلوم]

قصيدة رائعة جدا

وخفيفه وسهلة الحفظ

شكرا لك وصح لسانك