| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
|
|
#1
2009-07-13, 04:58 AM
|
|||
|
|||
الذكرى إنها شمس لاتغيب .. 3 أبريل
السلآم عليكم ورحمة الله وبركآآتهـ يسعد صبآحكم / مسآئكم بالخير وبأنغام الذكرى على طآري موضوعي اللي ولله الحمد تكلل بالنجآح بعد جهدآ جهيد << فيس ينآظر رعد المدينه ويقول مشتآق لإلكـ قبل أن أبدأ أحب أن أشكر أخي وحبيبي في الله مطآرد المطر على الجهود المبذوله في إنجاح تقريري بالشكل المبتغى والمرتقب أسأل الله لي وله التوفيق والسدآد .. تقريري هذا اليوم هو عن يوم الجمعه 3 أبريل ومن مننا ينسى هذاكـ اليوم التآريخي بكل المقآآييس والقوآآميس والمعآجم و وو و .. إلخ رأينا وميض البرق ورأينا الربآب والضبآب والنفيض والمزن الردآآآمي وسمعنا أزير الرعد بكل عنفوآآن بعد ليله جميله كآنت بإسم 2 أبريل الشي المؤسف أن قدمآي لم تذهب بعيدآ وأعني بذلكـ جنوب وشمال الريآض التي كآن لها نصيب الأسد حيث رأينا صور البرد على كلآ من الحريق والدلم جنوبآ والزلفي والمجمعه شمآلأ ولا أنسى شقرآء التي حظيت بنصيب طيب الوآحده بعد صلآة الجمعه بدآية التصوير وكما ترون سحآبه رعديه مقبله بعد تتآبع سحب رعديه صبآحيه علينا وكآنت مآئله جنوبآ قليلآ البرق على جنوب الريآض وقتها والرعد وش زينه مع الظهريه الوضع شمالآ يدعوا للبهجه كيف لأ ونرى رؤس المزن أقصى الشمال فوق رآسي سحآب ماماتوس مع رش والرطوبه 100+ أشوف البرق بهالسحآبه يلوح بين الفينة والأخرى ورعدها ثقيل << وقتها هبوب جنوبيه شرقيه الله يعيد هالكـ اليومـ وحنا بصحه << عجزت أعبر قمت بجوله إنسرآقيه سريعه لجنوب الريآض وكآن كل شي ( يربص ) والأرض ملبده وكذلكـ سمآها النفسيه ok منا إلين بكره العيد وقتها << خيآل مدلهم أرضآ سآيله هبوبآ رطبه بآرده تصآفق الناويه لم تنتهي فالجو يبشر بالخير من يوم تشوف السدى الثقيل وبوسطه خيآل الثعول تحت الخيآل وهو زآل شرق الأجوآء غربآ وإبسط ياعمـ أشكآل رهيبه للسحب سبحآن من أنشأها السحب تغير شكله ويبنأ لعآصفه رعديه قآدمه السحآب وكأني به يقول هلموآ وإنزحوا من هذا المكآن حالآ وصلنا البيت وصرنا نسمع الرعد والجو يبشر ومهيض ومن ثم أتت سحآبه ممطره معها صوآعق قويه والربآب معها كآن معها شعف وهوآ صلف ومآطرها طيب والسآعه 2 ونص هذآكـ اليوم مثعبنآ بلع من المآء إلمن حسيت إنه بيتمنكح في الجدآر بشتى الطرق << صكـ مثآعب السطح العلوي وتمتع بصوت هدير المآء << لحد يجرب الطريقه ترى البيت غآآلي هههههههههه ( مجبرآ أخاكـ لا بطل ) الجو أصبح بآردآ بعد توآلي السحب الرعديه من الصبح لدرجه إن الأبخره تخرج من الأفوآه والنآآس لجآت للملآبس الثقيله وكأننا بالشتآء وياحلو شبة النآآر والرعد تسمعه يرزم وبقوه مع ديمه وياعايني على هذاكـ اليوم بس لو إني شآعر وش بيصير تهقون السآعه تشير إلى الثآلثه عصرآ والجو ماينتفوت وصور الأقمار أطالع فيها وإستبشرت خيرآ لمابعد ترن ترن ترن يدق جوآلي : أوه إتصال من الخرج الخوي : سلآم عليكم أنا : عليكم السلآم الخوي : وينكـ فيه ياشآطر أنا : بالريآض وألمطر ديمه فوقي الخوي : أقول في سحآبه برديه مقبله على المزآحميه وممشآها جنوب شرق أنا : متأكد برديه الخوي : عيني عليها من يوم نشأت أنا : السوآه طيب الخوي : تعال لم الخرج ويصير خير ندبر أعمارنا ونجهز العزبه كله << شكله نآوي يمرح فيذآكـ شهر أنا : أستطرد مبررآ ومبرقعآ يآخي علي إختبآر << أبوي يقول مافيه روحه هههه الخوي : غسل إيده مني وقآل إسمع صوت القطآآر أجل ....... طوط طوط طوط وأفتح الرآدآر إلا والخيآل بردي مافيه كلآم ولونها رصآصي وتسوق جنوب شرق قلت خلني أبتريث نص سآعه وأشوف حل نهآئي لهالسآلفه بعد نص سآعه تقريبآ جآري الآن الإتصآل : الخوي : هلا بكـ أنا : ياهلا أقول الخيال وش صآر عليه وين عنكمـ الخوي : أشوف الربآب يسبقه والبرق مايفصل ومكاني جنوب الدلم أنا : بالسيآره مشغلآ ومغآمرآ على نية الذهآآب ( يمديني عليكمـ أجيكمـ ) << تهيضت لاتلومني الخوي : رح قرط بكتبكـ بس مايمدي عليها وبكره لا أوصيكـ بالإختبآآر ( صح / خطأ ) أنا : أستطرد مستفهمآ ليش تحطمني طيب ( وفي هذه الأثناء إنقلب الجو عندنا بالريآآض ) الخوي : البرق قوي بالحيل والرعد صرت أسمعه وبنفس الوقت مع السلآمه أنا : في أمان الله همن قلت بشوف صور الأقمار والرآدر إلا والشمال مدهر وكذلكـ الجنوب ألحين وشلون نروح لم سدير وإلا شقرآء بنية المغآمره والإنسرآق الكلي عن أبي الذي تفوه نآهيا ومقآطعآ مسبقآ عن فكرة الخروج عن محيط بيتنا نظرآ لإن الجو على مقربه من الإكفهرآر كما قال لي وإلا نقضب أرضنأ ونحمد ربنا كآنت الوجهه هذه المره للسطح والتخيل الذي يروق لي كثيرآ << عطوه على جوهـ تكفووون الشمآآل صكـ بخيآآآل ثقيل بالحيل وأشوف المزن معه بعد هينا نقول لاتعبير وزآنت الجلسه ( رزقكـ بيجيكـ ) سبحآن الله مزن ردآمي بوسط الخيآآل الثقيل ومع الربآآآب وياسلآم سلم على الجو الخيآل لايوصف بهاللقطه كيف لأ وأٍسفل الإفق الشمالي ... وإلا تعالوا شوفوا وشي بيصير بديت أشوف الربآب شمال والوضع إكفهر الربآآب مع تقدم الوقت صآآآر وآآضحآ وينبأ عن يوم مطري بحت سرحت بمخيلتي بعيدآ وقمت أتمتم قآئلآ وش وضع الشوآآرع المتربصه بالمآء مع الدوآآمات بآتسر الصبح البآرق أسفل السحآبه مايفصل والبرد حولكـ حواليكـ ويالله تمم على خير الربآب عجل ويسوق جنوب حآملآ في طيآته الهوآء البآرد سوينا كلوز وتقريب للربآآب وكآن هذا المنظر وفي هذه الأثنآء الرعد يرزم وصوته مسموع الثعول حدر السحآآآبه تشآآهد والبآرق يلمض صآرت قريبه من فوق الرآآس لحظة تأمل في أشكآل السحب وترآآدفها الأفق الغربي كما هو وآآضح سبحان الله ووقفة تأمل الافق الشرقي البروق مع كل الإتجاهات لاتفصل لاتعليق !!!! صوآعق قويه كآنت مع هالخيآآل والبروق كذلكـ وم ثم هطل المطر وأوقفت التصوير من شدته مصحوب بهوآء قوي جدآ والله يعيدها من أيام كآن بودي أني كنت متوآجد بالبر سوآء أكان جنوبآ أو شمألآ ولكن الخيره فيما إختاره الله ونحمد الله في السرآء والضرآء بعد مازلت جنوب والبرآق مايفصل مسيآن أقبل والقبله لازلنا نرى البرق فيها والحمد لله على كل حآآآل في الختام لايسعني إلا أن أشكركم على متابعتكم موضوعي وجميع مواضيعي , وأتمنى أن يحوز على رضاكم وينال حسن ذائقتكم , نأسف على القصور يا أبطال ونأسف على قلة التعليقآت على الصور .. إنتقآدآتكم محل إهتمامي فلا تبخل أخي المنتقد بما جآدت به نفسكـ فإعلم إنكـ من يرشدني لطريق النجآح ولكل من مر هنا أريد منه أن يقول (( اللهم إشف وآلده وألبسه ثيآب الصحه والعافيه وارفع عنه وعن جميع مرضى المسلمين )) كآن معكمـ أخوكمـ / ثرثار الأمطار
|
|
#2
2009-07-13, 05:15 AM
|
|||
|
|||
|
============== تسلم والله أخوي ثرثار الأمطار // تقرير جميل ومميز وتسلسل رائع وبشكل مميز كعادتك // بس ياخوك فيه كلمات كثيره يبيلها ترجمه وخصوصاً المحادثه  //أجل راحت عليك البرديه :sadwalk: هههههههههه // يا زينه من تقرير في هذا الصباح الباكر  //أعجلتني هذه الصوره كثيراً //  بارك الله فيك يا غالي // وموضوع يستحق التقييم الأعلى // ونسأل الله العلي العظيم أن يشفي والدك العزيز وعن جميع مرضى المسلمين// وبإذن الله مقبلين على مثل هذه الأيام الموسم القادم //  ==================
|
|
#4
2009-07-16, 08:30 AM
|
|||||||||||||
|
|||||||||||||
|
اقتباس:
كلكـ ذوق يامرآسل جده مروركـ أبهجني .. وهذآ قآموسي الغير المترجم :smi71: وعند رعد المدينه الخبر اليقين والخيره فيما أختآره ربكـ والله يعوضنا بشيآ أزين منها الموسم المقبل وحنا بصحه وبخير وعسى الله لايحرمكـ الأجر ويكثر من أمثآلكـ مع أطيب الأماني اقتباس:
الخيره فما إختآره الله ومقبلين على خير ياسيفنا ومشكور على مروركـ الذوق وكثر الله من أمثآلكـ مع أصدق وأطيب الأماني اقتباس:
الله لايحرمكـ المثوبه يالريس ويكثر من أمثآلكـ ومشكور بجد على حسن أطرآئكـ يارآئع ويابطل بآركـ الله فيكـ أسمى وأرق تحآيآي لشخصكـ اقتباس:
منورنا يامرشدنا ويانصحونا صآحب الوجه السمح الله يبآركـ فيكـ وتستآهلون كل خير يابونايف كل اللي نقدمه لكم يعتبر قليل في حقكمـ أسأل الله بمنه وكرمه أن يجمعنا وإياكم في جنآت النعيم ويازين الذكرى وطآريها وهآلكـ اليوم الخيآلي لاينسى إطلاقآ عسى الله يعيده علينا وحنا بخير يآرب همسه / إنتم وقودنا للتميز فوآصلوا دعمكم اللامحدود تعظيم سلآم مترفل بإحترآم لكمـ اقتباس:
من يوم شفت البسلمه قلت شكل أبوعآبد نآوي يذب موضوع فيذآ :new3: اقتباس:
مشكوره عآشقة الصوآعق على حسن أطرآئكـ ومروركـ أبهجني وأسعدني والله لايحرمكـ المثوبه ويجزآكـ خيرأ مع أطيب الأماني اقتباس:
الله يعافيكـ يابو عبدالمحسن ويكثر من أمثالكـ وألف شكر على مروركـ مع أطيب الأماني اقتباس:
مقبوله .. مقبوله .. مقبوله ومشكور بجد على مروركـ الذوق يانصآر مع أطيب الأماني وأصدقها اقتباس:
الله يعافيكـ يالعمده ويكثر من أمثآلكـ يابطل لطالما رأيت إستآذي يشجعني فإعلم إن البهجه لاتفآآرق محيآآي وشهآدتي في اللي مثلكـ مجروحه جرحآ عميقآ اقتباس:
كلكـ ذوق يابوعليآن ويكثر من أمثالكـ يابطل والله يجزآكـ بالخير ولايرحمكـ المثوبه مع أطيب الأماني اقتباس:
الله يسمع منكـ ويجزآكـ خير ولايحرمكـ المثوبه يابوسليمان الموضوع تأخر وكل تأخيره في خيره ولو أن المثل يقول كل شي بوقته حلو ولكن إعذرني يابطل ولاهانوا الربع:tears: إيه يابوسليمان يازين شقرآء هآكـ اليوم والله إنها فآتتني هي وخيآل الوسم ولكن إن شاء الله من هالحين الترم القآدم محذوف وبعذري لوتهورت شوي  كلآم جدآ جميل منكـ ياغالي وشهآدتاكـ وحسن أطرآئكـ تدفعني للإستمرآر على هذا المنوآآل والوسم القآدم إذا ربي كتب مرآحي حيكون في ضلع جمرآآن فوق ومن هالمنطلق حيكون بوآبه أخرى للدخول لبنو جنيس علآوه على قل النوم اللي منتهين منه ويالله تتمها على خير أما كلامكـ في السيلآت الثلآث باليوم الوآحد جرتني إلى الورآء كثيرآ بيوم 3 نوفمبر عسى الله يعيد علينا الله لايهينكـ ياغالي ويكثر من أمثالكـ ومع أطيب الأماني اقتباس:
ياهلا بابورآشد الغالي وشهآدتكـ ستبقى وسآم على صدري فبآركـ الله فيكـ اليوم ذآكـ مفروض قضبتكـ فيه ورحنا لم لصآد والدير الطيبه بأهلها ولكن كما قلت خيره والله يجزآكـ خير ولايحرمكـ المثوبه ويكثر من أمثالكـ ويتقبل صآدق دعوآكـ ويسمع منكـ ولايجيكـ البآس وم أطيب الأماني اقتباس:
ياهلآ بعريسنا الجديد  الله يسمع منكـ يانجر ونشوف هاليوم يطل برأسه من جديد ونشوف أفضل من خياله بالقريب العآآجل أجل تعجر الأصابع والكيبورد ومشتقآته هههههههه << حلوه من جد بيض الله وجهكـ على المرور وحسن الإطرآء المبهج منا إلين مضآرب بنو قويعيه وعروى :biggrin: ألف شكر على هيكـ طله وتقبل صآدق تحيآي وأعذبها وأرقها ياحبيب قلبي أخوكـ الصغير
|
|
#5
2009-07-16, 10:46 AM
|
|||
|
|||
|
مشاء الله تبارك الله الله يعطيك العافية على التقرير الرائع وأبريل شهر خير على بعض المناطق والله يجيب السيل إن شاء الله تقبل مروري وفي امان الله
|
|
#7
2009-07-13, 06:16 AM
|
|||
|
|||
|
والله يا ثرثار الأمطار إنك أدخلت علينا البهجة والسرور مع هالصباح المبارك
|
|
#8
2009-07-13, 08:19 AM
|
||||
|
||||
بسم الله الرحمن الرحيم السلام عليكم ورحمة الله وبركاته ثرثار وش اقول وش اخلي تقرير وتعليق كل واحد احلى من الثاني طبعا اكيد انت احلى منهم بس صراحه احس اني على الصباح شربت مشرووب طاقه شكلي بجلس اسبوع ماانام...الا يااخي كيف درجات الماده اللي خليته ذاك اليوم...:new3: لاتكون حملته بس ..وان حملته معك حق الصراحه جو خيااالي وايام شكلها كانت ولا اروع والحمدالله شكل الايام في ابريل مبشره ومهيئه..:40: يعطيك الف الف عافيه على المنشط القوي.... تحيااااتي....
|
|
#9
2009-07-13, 08:43 AM
|
||||
|
||||
|
تقرير مذهل
|
|
#10
2009-07-13, 09:41 AM
|
||||
|
||||
|
مشاء الله تبارك الله يعطيك العافيه على التقرير الرائع وأبريل شهر خير على بعض المناطق والله يجيب السيل إن شاء الله تقبل مروري وفي امان الله
|
|
|
|
العرض المتطور
