سحابة الجمعة العظيمة..تقرير من قلب الحدث..صور+فديو

[ابو نايف التميمي]

السلام عليكم ورحمة الله وبركاته

اليوم الجمعة 7/4/1430هـ الموافق 3/4/2009م
الساعه 8 صباحاً

صباح جميل ممطر .. والكشته لابد منها

في البدايه واجهتنا سحب الماماتوس بالقرب من الدائري الغربي بتجاه القديه

وبعد مانزلنا من القديه بدأ المطر ينزل بغزارة ومشت بعض التلاع البسيطه قبل ضرما في منظر جميل..

بعدها اخذنا لفه على ضرما ثم المزاحميه وكان المطر عام وغزارته تختلف من ماكن الى آخر ولله الحمد.. بعدها اتجهنا الى نساح وضربتنا مطره قوية سالت معها الشعاب القريبه وخاصه شعيب الاوسط والشعبان الي بعده وهذي من الاوسط

الحين يبدا الاكشن

طبعا جلسنا نتقهوى عند طعوس حفيرة نساح وجانا خبر عن وجود سحابه برد في الرادار جنوب عنا عند الصدر والجفير :36_13_1[1]: .. فتوجهنا مباشره الى هناك وكانت الساعه 3 وبالطريق كانت هذه الاجواء

وعند مفرق الصدر توقفنا في هالمكان للرصد وللصلاة.. وبعد ماخلصنا من الصلاة بدا المطر ويلاحظ قوة الوبل من الصوره قبل وصوله

بعدها توكلنا على الله ومشينا للسحابه ووصلنا وقابلنا هالمنظر وكان المطر غزير

سيل الحزوم فقط

السحابه المذكوره !!!! :36_1_25:

قررنا التوكل على الله ومشينا لها وضربنا برد ومطر غزير جدا جدا ..فرجعنا بسرعة قبل لايتقفل الخط وفعلا كان الخوف منطقي فبالكاد رجعنا ..

للأسف لم اصور البرد الا فديو فقط

وقررنا نروح للجفير لان السحابه الغزيره ضربت اعالي جبال الجفير..فالسيل قادم لامحاله ..
في الطريق للجفير .. الجو مظلم

قبل الوصول للجفير...قوس المطر

بعدها وصلنا لباطن الجفير وتوه يمشي

من جهه ثانيه

بعد دقائق معدوده

قررنا نرجع بسبب الخوف من اغلاق الطريق كالعاده... في طريق العوده شيئ ما يلوح في الافق.. والامور ماتطمن..!!!!

وفعلا وصلنا في الوقت المناسب

شمال عنا ..بدأت مزن البرد بالتفجر في منظر بديع ومبهر .. على نعام والحريق ولكن.. ماقدرنا نروح بسبب السيل ولا كنا قريبين مره لكن الحمد لله

وفي هذه اللحظة قابلت المراسل المتميز والنشيط سحابة برديه

ويعلم الله كم فرحت بهذا اللقاء لاني من زمان عن اخوي سحابة برديه وتخاوينا الى نهاية اليوم

..مناظر للمزن المتفجره

وقررنا الرجوع للديار.. المغرب باقي عليه نصف ساعه تقريبا وفي الافق سحب غريبه تنبئ عن أمر ما..

وفعلا وصلنا عند مفرق الصدر وفجأه قابلتنا سحابه عظيمه جدا لم نتوقعها ابدا ابدا بروقها ماتفصل ومطرها غززززير وفيه برد رهيب.. فأضطرينا انحط السيارات في محطة البنزين القريبه خوفا من البرد.. وجلسنا مايقارب الساعه والنصف والمطر والبرد والبرق ماتوقف ابدا؟؟ فنا صورت لكم فديو عباره عن 3 مقاطع للبرق والبرد والمطر من داخل المحطه والمعذره.. فالتصوير في هالوقت مخيف جدا لكن تفويت هاللحظه صعب.. والمطر مع الهواء شديد وتعطلت الكاميرا واضطر امسحها..لكن في النهايه مانفع معها مسح ..خلاص :0018:

تفضلو هالمقاطع الثلاثه طبعا حجم المقاطع الثلاثه الرئيسي اكثر من 1.5 قيقا لكني خفضتها الى 54 ميقا فقط؟؟ طبعا على حساب الجوده..لكن لتكونوا بالصوره

طبعا انصح كل من يمر على هالموضوع مايفوت الفديو حتى لو مقطع واحد..صدقوني ماحد راح يندم وبتكملون المقاطع كلها

الملف الاول :655:
الملف الثاني :655:
الملف الثالث :655:

طبعا ماوصلنا للرياض الا متأخر بسبب هالسحابه وعلى طول نومه..ويوم السبت بعد الدوام مباشره الساعه 12.30 انطلقنا من الرياض لحوطة بني تميم ونعام والحريق نبي نشوف آثار السحابه العظيمه والبرديه الي سيلت بعش الشعبان بشكل خيالي
البدايه عند كبري القصايم ولازال يمشي بعد عدة ساعات من توقف المطر

المسار الايمن مغلق بسبب كثافة المطر

مزرعة بالقرب من كبري القصايم

بعدها توجنا للمنسف والسوط قبل حوطة بني تميم بكم كيلو

وكان غرقنا بمعنى الكلمة فالحمد لله

بحر

بعدها اتجهنا لسد حوطة بني تميم وكان مليان ماشاء الله وماتبقى على مفيضه الا متر ونصف تقريبا.. لاني ماحصلت معيار

بعدها توجهنا لنعام وشاهدنا آثار السيول ومنها

آثار جريان شعيب السبله الهائل

من داخل نعام

بعدها تم التوجه الى سد نعام

وفي الصوره التاليه يتضح قوة فيضان السد حيث كان يفيض بارتفاع متر

بعدها اتجهنا مباشره لسد الحريق

وكان مليان ماشاء الله وباقي على فيضته نصف متر

وأخيرا رجعنا لنعام ورحنا للسبلة وتقهوينا فيها العصريه ومع أذان المغرب انتهت الرحلة ورجعنا للرياض

واعذرونا ان كان به تقصير..والحمد لله على نعمة التي لاتحصى وسبب التأخر في التقرير واضحه ..الجمعه مارجعت الامتأخر والسبت كذلك.. والى تقرير آخر ان شاء الله مع السلامه

ابو راشد التميمي

[الراصد]

ياسلالالالالالالالالالالالالالالالالالالالام عليك قصه مصوره مشوقه
بالفعل سحاب ذلك اليوم غريب ورهيب خاصة غرب الرياض والسحاب له اشكال بديعه والحمدلله على انعامه ..ومناظر السحاب في نجد في ابريل من اجمل السحب في العالم ..

اما هذي فهي في مرتفعات قراند كانيون في الولايات المتحده الأمريكيه وليست في جبال عليا وانا عارف انك تمزح علينا
>

[فهد التميمي]

الله يعطيك العافية
تقرير جميل ورائع
صور غاية في الروعه
بيض الله وجهك
مشكوووووووووور

[نطاح الدجال]

مااشاااء الله تباارك الله

تقرير راااائع وشاامل وممتع

تسلم يمينك

مشكور

[أبوشهد]

ماشاءالله صور روعة يعطيك العافية

[جبل عمر]

مشكوووووووووووووووووووووووووووووووووووووور بيض الله وجهك

[هاوي الشمال]

مشكوووووووووور

يعطيك العافية

[عاشق الغيمة]

بيض الله وجهك
تقرير رائع ومطر طيب ماشاء الله تبارك الله
اللهم اجعلها امطار خير وبركة يارب

[العنبري]

الله يجزاك بالجنة اخوي ابوراشد

على هالتقرير المصور الجميل

تقبل مني كل الشكر والتقدير

[هديب الشام]

الله يجزاك بالجنة اخوي ابوراشد

على هالتقرير المصور الجميل