التعليمـــات |
التقويم |
|
|
أدوات الموضوع | انواع عرض الموضوع |
|
#1
|
|||
|
|||
قصيدة غانم الضومري والرد من الشاعر الكبير سعود الشايع
من مساجلاتي .. أتمنى أن تنال استحسانكم كتب غانم الضومري .. عزي لمن مثلي على الدار خلوه .. اقفت مطاياهم وعيني تراعي حدوا حبيب القلب ياسعود حدوه.. غصبٍ علينا مثل لوي الذراعي ياحسرتي مدري على وين ودوه.. مالي جدى ياكود عضة اصباعي اصيح باعلى الصوت تكفون هاتوه .. ردوه حالي قربت للضياعـــي مرت سنه ياسعود واخوك نسيوه .. ولا احد جبر في خاطره بالوداعي ماهمني لو باقـــــي الحي شالوه .. لو كان جنبي مالهم أي داعــــي لوجربوا فرقــا الضنا كان ردوه .. وخلوني افتح للسعاده اشـــــراعي لا تلومني لو شفتني شبه معتوه .. فكري مشتت واشتكي لك اصداعي تدرون منهو شكلكم ما عرفتوه .. فكــر وحاول لا تصير اندفاعــــــي ) ( صدى من الشاعر الكبير / سعود الشايع شدوا لي الهنقل على الجمس شدّوه .. أيضا ولا تنسون شد الشراعي وتفقّدوا زيته..عــــن النّقص عبُّـــوه .. خلّوه جاهــــز للمهمّـه بساعي ولفُّوا لي الفَرْشَه مع العفش يا هوه .. وحطولي العزبه لزوم المتاعي دله ومحماسه ونجرن لَـ.. رنُّـوه .. يسمع ضبيحه نايم الفجر.. ياعـــــي وامزعفرن مع هيلها شوي ذُرُّوه .. والبن من صنعا بكيسه يباعــــــــي منوة حزين القلب لاشفّ..شافوه .. يرقص طرب..لا دقّـوا الطار، فاعي ابا صل اللي طيبهم غصب فنّوه .. واخص بالخُــوّه جميل الطباعـــــي غانم سميّ الطيب بالطيب سمّوه .. شوق الهنوف اللي عيونه وساعي يالضومري كان الذي قد فقتوه .. سيف(ن) لكم في ينبع البحر ضاعي الأمر أمر الله خذاهم وشالوه .. سنّة ولي العرش أمر(ن) مشاعـــــــي وإن كان بنتٍ مع حليله تقافوه .. الحيّ لا بده يجي باجتماعـــــــــي سعود الشايع ،، ) ( ومني لكم التحية والتقدير غانم الضومري
|
#2
|
|||
|
|||
رائع البدع والرد
|
#3
|
|||
|
|||
صحت السنتكم
|
#4
|
|||
|
|||
إنه إستاذي الذي أحببت الشعر من خلال قصائده التي سوف أورد بعضا منها إن شاء الله .
|
#5
|
|||
|
|||
هاكذا يكون الشعر والا بلاش درر وجواهر من شا عرين عملاقين تحيتي وتقديري
|
#6
|
|||
|
|||
بحثت عن سعود الشايع ، وكتبت له قصائد كثيره منها ندائي لزميلي دون جدوى ، في ذلك المنتدى المحبب إلى نفسي لما يملكه من كتاب مميزون ، والذي ذهبت منه بلا برجعة لسبب إنه يذكرني بسعود الشايع .. من يبشرني ويبشر بالشاره ،،،، أو يعزيني جزاه الله خير أرجوك تكفى يالسبيعي مشينا وقف بنا يامسندي وسط سنجار ننشد عن الشايع ونلقى المعينا أهل ورايه ما يوصف لك الدار البيت واضح ما يبي له ذهينـا بيت الكرم تلقا به الضيف والجار إمسودسٍ والنجر يرطن رطينـا شكله لفى قبل على سعود زوار يافرحتي بسعود لحظة لفينـا فرحة كريم وجاه بالبيت خطار قلت السلام ورددوه أجمعينا من هيبة المجلس شعرنا بالاحضار وجه السعد حطوه عني يمينـا وحطولي المركا على جنبي إيسار وساقوا من الدله بفنجال صينا يازين فنجالٍ بعد طول مشوار عقب العشاء على الخيال السمينا يامحلى السامر على دقة الطـار حتى خويي قـام صوته يزيـنا يصدح مع الساهرتقل صوت قيتار تفرق المجلس وحنا بقينــا والحق من الارطا على باقي النار لا. لا تعّذر عن غياب السنينا مقبول عذرك لا تفكر بالاعذار لا تحسبنـا ياخويي نسينـا لا والذي سكّنك في نون الانظار بظروفنا ياسـعود حنا التهينا ترمي بنا الدنيا على غير معيار أكيد عارف أنت منا وفينـا ونكن لك أكبر محبه ومقدار معقوول تنسى بيتنا اللي بنينا ماينسي برجٍ وصل حد الاقمار في برزته ياسعود ياما تكينا وياما تبادلنا السوالف والافكار وياما نزف حبر القلم من يدينا ننحت من الخافق عسيرات الاشعار يا ابو أريج أخباركم ما تجينا تقطعت ياعزوتي عنك الاخبار أول تروح ولا تطوَل علينا واليوم تقطع جيتك صرت تذكار غانم للحديث بقية ... شكرا هماليل شكرا لكل من مر من هناااا..! تحيتي
|
#7
|
||||
|
||||
يااالبيه يابوي والله بكيتني عسى ربي يجمعك بولدك بالاولة وبالثانية بخويك سعود
|
#8
|
|||
|
|||
صح لسانك ياابوسامي وصح لسان سعود الشايع
|
#9
|
||||
|
||||
صح لسانك والدنا غانم الضومري ... وصح لسان صديقك المقرب والمحبب إليك سعود الشايع ...
|
#10
|
|||
|
|||
من قصائد أخي بالله الشاعر / سعود الشايع ذعذع هواها وِصدِقَتْ في وعدها سحابت(ن) ما مثلها يالمخاليق ساقه لنا الغربي وثم(ن) عقدها بامر الولي يوم استدارت تشاريق يوم ارْزِمَتْ ولّعْ بها من رعدها برقٍ تبسّم فوق عالي الشواهيق طشّتْ ..ورشّتْ.. ثم هلّتْ بَرَدْها يشلخ بياضه مثل لون الغرانيق شِرْبَ الغدير وكل تلعه صعدها وسال الشعيب اللي نمتْ بَه زماليق وغنّت طيور الما طرب من سعدها تسمع لها عزفٍ على فكة الريق يوم انكُفَتْ شبيت نارٍ عمدها سَمْرِ(ن)على جاله دلالٍ واباريق مع تمرةٍ من صاحب(ن) لي حصدها آخر لقاط العام حبّه تفاريق حلوه (رميثيه) تقاطر شَهَدْها لا ذقتها تبتل كل المعاليق سعود الشايع أتمنى أن أراه وهو بأتم الصحة والسعادة .. لي عوده بإذن الله .. تحيتي
|
|
|