اشحن البطارية بدون اشتراك

بوخليل · 2007-03-06, 05:24 PM

الو كنت في البر وبطاريه سيارتك انسحبت ولا عندك اي جهاز تشحنها ولا سياره ثانيه تقدر تسوي اشتراك ولا تقدر تنتعها ( تماتيك ) .... وش الحل طيب ؟

اليكم يالربع هذه الطريقه العلميه وهي مجربه :

1- نزل البطاريه من السياره يعني فك مساميرها باي طريقه .

2- احفر حفره بعمق ذراع او نصف متر بقطر مقاس البطاريه فهمتوا كلامي ؟

3- حط البطاريه في الحفره بحيث يكون اصابع البطاريه للاعلى انتبه تميل او تقلبها

4- ادفن البطاريه بالرمل ( في وجه العدو ) بشكل كامل ولا يبين منها شي

5- رش الرمل بقليل من الماء بحيث يكون فوق الحفره والله اللي خربت البطارية

6- انتظر من 10 دقائق الى نصف ساعه وإذا الجو ممطر وفيه رعود وبروق اقل من 5 دقائق

7- ركب البطاريه وسم بأسم الرحمن وشغل موترك ولاعاد تروح البر وبطاريتك خربانه

انتبه اذا ما اشتغلت السياره عاود الكره ( حلوه عاود الكره ) وخلها اطول وقت انت قاعد قاعد اصلا

طيب ليش تنشحن ؟

تعرفون يا اخوان ان مستقر الكهرباء هو الارض خصوصا في البر يكون تاثير البروق على الارض كبير بحيث يحمل الارض بشحنات كهربائيه كبيره

والدليل يا اخوان ان كل جهاز كهربائي له ما يسمى خط ارضي وهو الشحنات الزائده الى الارض .

اللي ما صدقني يقوم ويسويها في البيت واذا نحجت الفكره اشكروني واذا ما نحجت تراني غشيم

يالله كل واحد ومسحاته وللحوش