الشوارع تختنق بالدمع في حضن الظلام
و البحر كنّه يقول الليل هذا ما أطوله . . .
و الشجر لو شحّ في غصنه بأسراب الحمام
ضاق به صدر الفضا المفتوح وأعلن مقتله . . .
و السماء تنزف دموع الغيم في لحظة هيام
و النجوم تسوق خطواتي لدربٍ أجهله . . .
الهبايب في وصوفك رددت أحلى الكلام
و البدر من زود نورك قال والله ما أجمله . . .
و الحزن يا هاجسي ينسج مواويل الغرام
و الغروب أعلن شروقة للمدى و أستثقله . . .
في غيابك صوتي المبحوح نادى للغمام
و ارتسم لك في جبين الشوق ترنيمة وله . . .
وين أببعد يا هوى الخاطر ونفحات الخزام
و أنت أقرب مني لروحي مقام و منزله . . .
أذكرك يا ساكن العينين و ياطير المنام
و يمتلي كل الفضا حولي دموع و أسأله . . .
من كثر ما أشتاق لك قلبي تفطّر يا حرام
صرت أنا عقبك أحس الموت عندي ما اسهله . . .
صرت أنا عقبك مثل طفل تلحّف بالظلام
أكتب اسمك في نهايات الغرام وأوله . . .
ذقت أنا عقبك عذاب الويل من ظلمك هيام
ليه تبغى دم روحي تأخـذه و تحلّله !! . . .
عقبك القلب أرتحل مجـبور و خلاني حطام
و صدري المهجور يرعب كل حيٍ يدخله . . .
أمتطيت الهمّ وحدي بين غربه و أزدحام
كن مالي غير وجهك في الجهات أتامّله . . .
الجسد في غيبتك ما عاد تحمله العظام
و الأراضي كلها عقبك صحاري قاحله . . .
من رحل عطرك و أنا كلي سهامٍ في سهام
إرتمى كلّي وسهم العشق صابه بأكمله . . .
زرت أنا كل الكواكب أسأل بكل النظام
لين شفت النجم وقال العشق أكبر مشكله . . .
زاد قدرك في حياتي وصرت في قلبي وسام
ياخفوقي من يعزك واجب إنك توصله . . .
مما رآق لـ قلبي
2013-04-28, 12:28 AM
في غيابـك صوتي المبحـوح نادى للغمـام .. وارتسم لك في جبيـن الشــوق ترنيـمـة ولـه
العرض العادي
