فمان الله مافكرت بالفرقى لكن مجبور..

[عابر سبيل]

فمان الله ياحبٍ تغلغل في حنايا الزور ..
فمان الله ياأغلى من نسم صدري وشرياني ..

فمان الله ياللي لك مكان ومنزل معمور ..
فمان الله ياللي مسكنك قلبي ووجداني ..

فمان الله يانور العيون اللي ماتلقى نور ..
فمان الله ياكلي وتاريخي وعنواني ..


فمان الله والعبرة تراها عدت الحنجور ..
فمان الله لكن خلها تشرح لك احزاني ..

فمان الله تذرفها العيون وخاطرٍ مكسور ..
فمان الله تعبير الدموع أصدق من لساني ..

فمان الله مافكرت بالفرقى لكن مجبور..
فمان الله وين القى حبيب ووين يلقاني ..

فمان الله سامحني إذا مني لقيت قصور ..
فمان الله واعذرني جفيتك قبل تجفاني ..

فمان الله ما يمحي غلاك سنين ولا شهور ..
فمان الله كيف انسى غلاك وكيف تنساني ..

فمان الله وادعني وداع الغالي المقبور ..
فمان الله وإن طّول غيابي لاتحراني ..

على شاني تقبل كل شي بخاطرٍ مسرور ..
تقبل كل ماقلته ولا تزعل على شاني ..

انا لو في يدي حيله او ان بداخلي مذخور ..
ما والله تسمع الفرقا وطاريها على لساني ..

ولكن الزمن زادت جروحه والسنين تبور ..
عيوني للسعد بس السعد مر وتعداني ..

ابا اسج القدم والرزق عند الواحد المشكور ..
الهي وين مايكتب لي الأرزاق وداني ..

مع إني والله أبطي مريض وخاطري مكسور ..
إلى منهم طرولي ناسي وربعي وخلاني ..

فمان الله مافكرت بالفرقى لكن مجبور ..
فمان الله تعبير الدموع أصدق من لساني ..

مما راق لي ..

[ابو سلطان العتيبي]

وراق لنا

لا هنت يامراقبنا
"عابر سبيل"
على حسن الاختيار

تقبل مروري

-

[تناهيد]

فمان الله تذرفها العيون وخاطرٍ مكسور ..
فمان الله تعبير الدموع أصدق من لساني .

صح ذوقك واحسآسك
يعطيك العافيه

[عابر سبيل]

مروركم العطر اسعدني ... تقبلوا تقديري واحترامي وفالكم الجنة ،،،،*

[نزيه الحيزان]

وقد راق لنا
ذائقة رائعة أخي الحبيب
عابر سبيل
ودي ومحبتي

[عابر سبيل]

هلا وغلا بخوي الغالي نزيه ... نور قسم الشعر بتواااجدك ومرورك العطر يااالغالي .. فالك السعادة في الدنيا والجنة في الاخرة ،،،،،،

[ابو زياد]

ما أجمل كلماتك عندما تنبعث
من صادق أحساسك اخي الفاضل ..........
ارتقيت ببراءة حروفك إلى علو المعاني
رائعه هي كلماتك .. كروعتك ودائماً تأتينا بكل ما هو جميل ورائع..
لك تحية من صميم قلبي..

اخوكم ابراهيم

[عابر سبيل]

هلاابك اخوي الغالي ( ابراااهيم ) مرورك واضافتك تشريف لي .... فاالك الجنة ،،،،،

[عايد]

على شاني تقبل كل شي بخاطرٍ مسرور ..
تقبل كل ماقلته ولا تزعل على شاني ..

مراقبنا القديراستاذي واخي عابر
مارااق لك رااق لنا بكل تأكيد فأنت شاعر وانتقائك راقي
قصيده رائعه بحق ..
تقبل مروري مع ودي واحترامي

[عابر سبيل]

لااااهنت ياعايد مرورك تشريف لي يالقررررم .... فالك الجنة ،،،،