يوم الخميس يوم ونيس امطار طول النهار ... الخميس 5/4/1432هـ

[فارس الرس]

هذا تقرير عن يوم الخميس الموافق 5/4/1432 وكان ولله الحمد يوم مطير من اول النهار الى اخره وقد توفقنا بعدد من السحب ولله الحمد

كانت الانطلاقه من الرس الساعه 8:30 صباحاً وفي دخنه شفنا هالسحابه قدامنا جنوب دخنه

وبعد ماتعدينا دخنه وقبل الغيدانيه لقينا اثرها

وماهي الا لحظات واذا بسحابه ثانيه على نفس المنطقه

وانقسمت سحابتين واحد اتجهت عنا شمال على دخنه تقريباً والثانيه على الغيدانيه
وهذي صوره للسحابه اللي راحت شمال عنا

وهذي هي بعد ماتعدت شرق

واما السحابه اللي على الغيدانيه فكانت سريعه ومطرها خفيف ومعها برد صغير غزلان

وقبل الظهر قرر الشباب الاستراحه وشبة النار بهذا الشعيب اللي سايل مرتين امس واليوم

واثناء القهوه نشأت سحابه ثانيه نسمع رعدها عنا شمال حروة خزاز اذا ماني غلطان

وهذي كم صوره للمزن شرق عنا

وبعد الغداء نشطت السحب مره ثانيه بحدود الساعه 3:30 الظهر وكانت البدايه بذي السحابه

وهذي السحابه اللي بين دخنه والغيدانيه

وكان مطرها طيب ولله الحمد

بداية سيل الشغايا

وزادت كثافة السيل

وبداية سيل بعض الشعاب

وهذ كم صوره للأرض من اعلى

ثم جوله على بعض الشعبان الصغيره وبعض الشلالات

وصورة شعب اخر

وختاماً ارجو ان يحوز التقرير على رضاكم واستحسانكم

ابومحمد