ياهل العقول الواعيه والرشيده
المنكر الي عمنا يبغي انكار
اسلامنا واسلوم اهلنا التليده
بنو مابين الحق والباطل جدار
واوطانا صرح التطور تشيده
في مايخدم المجتمع علم واعمار
وبعض الفضائيات تبغي تبيده
وتنشر مابين اجيالنا الخزي والعار
قتيلها جيل وعقول وعقيده
وموت العقول اشد من قصف الاعمار
قناة ساحر حط فيها بريده
يقول راسلني واعلمك وش صار
وقناة رقص ونقص والي يزيده
شات كلامه يجرح اعراض الاحرار
وقناة دز اسمك سعيد وسعيده
واصبر وشوف للحب نسبة ومعيار
وقناة تجمع كل جنس وضديده
بين اربعة جدران من كل الاقطار
واسهر وشجع يمكن الي تريده
يفوز ويسمونه العالم استار
وراعي القناة اهم حاجه رصيده
لا لامته نفسه ولاخاف من نار
وترى الفضائيات فيها المفيده
ماننكر انها في الدجى مثل الانوار
قناة دين علم واشياء حميده
تاريخ واشعار وثقافات واخبار
بإسم الضمير اقولها في قصيده
يكفي خراب بيوت وافكار وديار
2010-12-23, 01:22 PM
ياهل العقول الواعيه والرشيدة
العرض العادي
