قصيده مؤثره جدُّا لتركي الميزاني الودااااااااااااع الاخير

برق العارض · 2010-12-03, 05:19 PM

بسم الله الرحمن الرحيم

هذي قصيده للشاعر تركي الميزاني مؤثره جدُّا تتحدث عن حال الانسان بعد موته وان يوم الحساب لاينفع الشخص الا عمله نسأل الله الثبات في يوم لاينفع مال ولابنون إلا من أتى الله بقلب سليم اتمنّى ان تنال استحسانكم :

يا مالك الملك يالواحد شديد العقاب
ياغافر الذنب يا مرسل رسولٍ اثير

يا خالق الخلق يا محصي الخطا والصواب
تعالت اسماك مالك في صفاتك خشير

يا محيي الارض بامرك من حمول السحاب
ياعالم بالحياة وما يؤول المصير

يا جامع الناس في يوم الحشر و الحساب
مافيه فرقٍ هذا تاجر وهذا فقير

كل الخلايق سوا إلا بحمل الكتاب
لا شخصت ابصارهم يوم النهار العسير

احدٍ كتابه فتح له صوب جنتك باب
واحدٍ هوى به كتابه للسخط والسعير

يارب رحمتك لا هلّوا علي التراب
واصبحت مالي من الوحشة مفر ومطير

وقفّوا ولدموعهم فوق الخدود انسكاب
واسمع قريع احذيتهم في الوداع الاخير

ودخلت في عالم البرزخ و طال الغياب
وفارقت كل الحبايب والاهل والعشير

وجوني ملايكتك اللي للعمل والعذاب
واستسلمت نفسي لمنكر وجاني نكير

في موقفٍ للسؤال يزيد ثقل الجواب
الا برحمتك ياللي بالخفايا خبير

يارب حملت نفسي بالشقا والعتاب
ومدّيت حبل الخطا لإبليس واصبحت اسير

وطاوعتها في متاهات الوهم والسراب
لين اشبكتها الخطايا شبك والنفس طير

أزل واقول انا توي بسن الشباب
واذا نصحني محب اقول توي صغير

ما كنت حاسب لوقتي والليالي حساب
ولا كنت افكر وش اللي في زماني يصير

الا بعد ما انتصفت العمر والراس شاب
وفقدت من ربعي الاثنين جمعٍ غفير

عرفت أن الحياة مصارعة واكتئاب
واني مودع ولا لي غير ربي نصير

ومن لا تزهّب من التقوى ليومه زهاب
لا مات وش حجّته يوم النهار الكبير

في الموقف اللي مافيه مجادلة وانسحاب
من هول هاك النهار يشيب راس الغرير

وسلامتكم