أمطار اليوم السبت 1\1\1428هــ

[التميمي]

السلام عليكم ورحمة الله وبركاته ،،،
مطرنا بفضل الله ورحمته اللهم صيبا نافعا من بعد الظهر والساعه الثانيه والنصف والسحاب زين ومحرين بخير وبدأ السحاب يشد اخر العصر وجانا خبر قبل اذان المغرب رشاش مطر على المستوي وبعد المغرب بدأ الخير واقوى المطر شمال شقراء شقراء مشت الشوارع وصبت المرازيم واشيقر ايضا جاهم سيل طيب واخر ما وصلت محطة الغرابه والمطر طيب لكن ما مشت كل الشعبان لكن ارتوت الارض ولله الحمد ومشا من الشعبان الخليف والمظلم خفيف والارض مناقع من بعد شعيب خروب الى الهوبجه والله يجيب الخير

شعيب الخليف طريق المستوي بعد شقراء شمال 15 كيلوا











واعذرونا على القصور وتخبرون اليل ما معه عيشه لا تصوير ولا تمشي

[nahham]

ياجعلك تسلم ياابو عبدالعزيز مامن قصور يالغالي

بشرك الله بالجنه ووالدينا ووالديكم

اجل الربيع لا تنشد ان شاء الله نشوف شيء ممتاز هذه السنه بحول الله

تسلم بارك الله فيك

[أبو خالد]

وعليكم السلام ورحمة الله وبركاته

أبو عبد العزيز

جزاك الله خير الجزاء

وأدخلك الفردوس الأعلى

[التميمي]

ابو هشام حياك الله عطنا عمرك

ابو خالد مشكور على التعليق

[العنبري]

الله يعطيك العافية ياابوعبدالعزيز على هالتقرير المصور



اهم شي صورتي طالعه

[الصلبوخي]

وعليكم السلام ورحمة الله وبركاته

ماشاء الله تبارك الله

الله يبشرك بالخير وكل ما يسرك

الله يجزاك الجنان اخي الكريم ابو عبد العزيز

الله لا يحرمك الأجر

نسأل الله الكريم من فضله


كل الشكروالتقدير

دمت في حفظ الله ورعايته

[أبو عابد]

وعليكم السلام ورحمة الله وبركاته

أخوي التميمي أبو عبدالعزيز أمطار خير وبركة وعم بها البلاد والعباد

والله يغيثنا الأمطار الغزيرة النافعة الغير ضارة

وترى تصويرك طيب لكن بالليل عادة التصوير غير واضح بسبب الظلام وهذه تحتاج إلى كاميرا ديجيتل لأن بها فلاش زينوا

المهم بارك الله

ونتمنى أن نرى جديدك بأقرب وقت إن شاء الله تعالى


إلى الأمام

أخوكم / أبو عابد

[المشراق]

الله يعطيك العافية يا ابو عبد العزيز على هذا التقرير والصور التي ابهجت النفس وسرت الخاطر وعلم خويك اللي على الجرف لايتعودها مرة ثانية وينهد به وأظن انه ابو بريهه وقل له تراه غالي على اهله وعلينا ومشكووووووووووووووووووووووووووووووورين

[الجارح 2000]

يا ملا العافية

والف شكر على الموضوع وعلى الصور

جزاك الله خير


الجارح 2000

[abo ali]

الله يعطيك العافية اخوي

بإذن الله نسير عليكم ونشوف المطروالربيع

الله لا يهينك احوي التميمي علومك كلها غانمة