اكتشافاتي بالرياح من اخوكم عاشق الرياح

[عاشق الرياح]

السلام عليكم ورحمة لله وبركاتة




يالغالين لي قصص مع الرياح وبالاخير اكتشفت اشياء مادرستها بس الحياة وانا اخوكم تجارب



عندنا بالشرقيه بوقت الامطار بالشتاء السحب طبعا تجي من الغرب للشرق لكن السحب اذا كان اتجاها مو شرق سيدا لا تاخذ علي اليمين شوي يعني يصير اتجاها بين الشرق والجنوب انا اعرف ان السحب هذي عليها شماليه ولا راح يطول السحاب وكلها يوم او اقل وتهب الشماليه وسبحان لله حتا السحاب يخاشم نفس الجها




لكن اذا كان السحاب يتجه شرق يكون افضل من الي يتجه بين الشرق والجنوب
واذا اخذ علي اليسار وصار اتجاهه بين الشرق والشمال اعرف ان السحاب راح يطول والسحاب يخاشم نفس الجها ويكون عليه رياح جنوبيه والحاله هذي افضل شي


واذكر اقوى السحب الي تجينا يعني مثل العواصف الصغيره بحجمها ولكن قويه بسيلها تكون تتجه يسار الشرق ولاشفت اقوى منها تتجه غير شمال شرق


والرياح الجنوبيه اذا تصادمت برياح شماليه يتكثف السحاب ويمطر بشكل سريع



وغير هذا الرياح اذا كانت شرقيه او جنوبيه واخذت كم يوم وبعدها ركد الهواء وفجأء هب هواء غير الي كانت عليه بكم يوم اعرف ان هذا نسم الخير دايم تصير وانا اقول هذا نسم الخير وجماعتنا مخالفيني كلامي يقلون شماليه تبي تطيرنا وانت تقول نسم خير وسبحان لله كلها كم ساعه لين مايركد الهواء ويجي المطر




والرياح الشماليه ياأخوان رياح عاليه جدا جدا ولاتخلي السحاب يتجمع نفس باقي الرياح
باقي الرياح تكون منخفظه وطبقه السحب تتكون فيها السحب ويكون الرياح عليها مثل الي حاط تحتها قزاز مايفرقه


والرياح السطحيه انواع منها ترتفع لفوق وتنفخ السحاب علي شكل ركامي

ورياح عاديه تكون علي مستوى السحاب او ترفعه قليل وهذا يكون بوقت البرد اكثر


لكن فيه الاهم وهو تحرك السحب من الغرب للشرق ومن الشرق للغرب وهذا بعوامل الرياح كلها
كثير منا لو تسئله تقوله انت تعرف ليه السحاب بالشتاء يجي من الغرب وبالصيف العكس يجي من الشرق بيقول ماادري او بيقول عشان موسم الهند او غيره وهذا خطاء
الصح سبحان لله بتحرك الرياح العلويه



ولله اعلم وهذا بمشئه لله سبحانه وكل شي يحدث ويتحرك بأمر من لله سبحانه

وكل الي قلته مني انا شخصيا عاشق الرياح لانقلته ولا سمعته من احد

اتمنا من الجميع المشاركه ومن لديه معلومه جديده مايبخل علينا يفيدنا فيها واذا عندي خطاء او تقصير اعتذر واتمنا ايضاحها








وكل عام وانتم بخير

تحياتي