ياليتني

[معدي المرقاب]

هذي قصيده مؤثرة لأم تشكي حالها بعد ان وداها ولدها (الله يهديه) للمصحه (دار العجزه) او كما يقااال ( دار النسيان) قصيده يبكي منها حتى صاحب القلب القاسي
اترككم مع القصيده




وين انت يا حمدان امـــك تنــــاديـك* وراك ما تسمـع شكايـا ونـــدايـا
يا مسندي قلبي على الدوم يطريـك *ما غبت عن عيني وطيفك سمايـا
هذي ثلاث سنـــين والعيـن تبكيـك *ما شفت زولك زايــــــر يـا ضنايـا
تذكر حيــاتي يوم اشيلك واداريـك *والاعبـك دايـم وتمشـــــــي ورايـا
ترقد على صــوتي وحضني يدفيـك*ما غيرك احدٍ ساكن فــي حشايـا
واليا مرضت اســــهر بقربك واداريك*ما ذوق طعم الـنوم صبح ومسايـا
ياما عطيتك من حنـــاني وبعطيـك *تكبر وتكبـــر بالأمــــــل يـا منايـا
لكن خساره بعتني اليـــوم وشفيـك*واخلصت للــزوجه وانا لـي شقايـا
انا ادري انها قاسيــــه مـا تخليـك *قــالت عجوزك مــــا ابيهـا معايـا
خليتني وسط المصـحه وانا ارجيك *هذا جـــ،زا المعروف وهـذا جزايـا
يا ليتنـي خدامــــ،ـة بيـن اياديـك *من شان اشوفك كل يوم بــرضايـا
مشكور يا ولدي وتشكر مساعيـك *وادعـي لـك الله دايـــــم بالهدايـا
حمدان يا حمدان امـــ،ـك توصيـك *اخاف مــ،ن تلحق تشوف الوصايـا
اوصيت دكـــتور المصحه بيعطيـك *رسالتـي واحــــروفهـا مـن بكايـا
وان مت لا تبخل علـــي بدعاويـك *واطلب لي الغـــفران وهـذا رجايـا
وامطر تراب القبــر بدموع عينيـك *ما عـاد ينفعــــــك النـدم والنعايـا



منقول