صفات السلاطين.......(اخر قصائد الشاعر/خالد الرويس يرحمه الله)

[نديم المجره]

هذه القصيده اخر قصائد المرحوم يهديها الى جاره في مدينة عرعر رجل الكرم والشهامه / عبدالله السلحوب

بـسـم العـظـيم ابداء كـلامي لـغــالي = منطـوق حـق ولا بغـيت اله تزيين

والقاف يخجل من وصوف الرجالي = خوفٍ من النقـصان بحقوق غالين

عـبدالله السلحـوب قـرم العـيــــــالي = نسل الـنـشـاما هو زبون المخَـلـَين

صـقـرٍ تعـلى نايـفــات الــطــــــوالي = واضفى بجـنحانه اخوانٍ عـزيزين

ما يجـذبه للـقـاع صـيـد الـهــــزالي = لـصـاد صـاد الطـيب قـبـل الـرديين

يكـفـيه من جـمع الميز والخـصـالي = إنه فـتـح بــابه عـلى مـذهــبٍ زين

فـنـجـال مـر وكـل عـلـمٍ جـــــــزالي = ومسامر النقوه من الناس عــالين

بـشـوش وجـه ومـبـتـسـم باتـكــالي = على الوحـيد اللي بعـث بالنـبـيـيـن

اول ولا هـو مـن رضى بالـتــــوالي = حـرٍ وتـكـفـيـه الاشـاره من الـعـين

جاري وابـشهـد لك وصلت المعـالي = وادميت مخـلابك صفات السلاطـين

تـمـت ولا ابغى منك غـير الوصـالي = منطـوق حـق ولا بغـيـت اله تزيين

الشاعر/
خالد بن عبدالله بن سحلي الرويس
تغمده الله بواسع رحمته