قصيدة بعنوان الفقر ,,,,,,,,,,,,,,,,,, بشكي لربي واوعزه كل أمري ( الواثق بالله )

الوااا(بالله)اااثق · 2012-03-06, 09:25 PM

بسم الله الرحمن الرحيم

السلام عليكم ورحمة الله وبركاته

مما راق لي

قصيدة بعنوان / الفقـــــــــر

يا صاحبي لا تسأل القلب وش فيه

بشكي لربّي و اوعزه كلّ أمــــري

لا شفت دمعي غرّق الارض~ خلّيــه

علها دموعي تنتزع ضيق صدري!

يا صاحبي / ابن الفقر من يواسيه ؟

واسيت نفسي وانتظر خيط فجري !

أكبر همومي : كيف سقفي أغطّيــه ؟!

لن السما تمطر عليٍْ حزن حدري

واصغر همومي كيف جوعي أغذّيـه

الجوع صاحب ( من يلهُ حال يزري ) !

وقتي طويل / والعمل وين الاقيه.

ابغي أوفر لبْـنَتي وانت تدري

ان الطفل يحتاج لعبة تسلّــيـه

والطفلة اللي بذمـّـتي دوم تطري :

ودّي يا بابا كل وقتي اقضّيــــه

ودّي لو أضحك وآتهنّى بصغري

أشوفها / واللي فـ خاطرها أدريـه

وسوّي نفسي ماسمعها / ولـدري

محجر عيوني/ دمعة الفقر تمْـليــه !

وش حيلتي ؟ : ما غير دمعي بيجري

راضي بقسمة دنيتي رغم هـ التيه

راضي/ وشوفي كيف خاويت صفري !

الصبر زاد لكل فقيرا ويغنيـــــــه

ولو الغنى يعني ( صبر ) ~ زال فقري

وسلامتكم

أخوكم المحب

الواثق بالله