الهذيل في ضيافة خالد الفيصل

[هنا القريات]

الهذيل في ضيافة خالد الفيصل
بمناسبة حلول موسم الامطار في الجنوب
نذكر هذه القصه عندما استقبل امير عسير السابق الأمير خالد الفيصل
شاعر الشمال ( عبدالرزاق الهذيل ) كما اطلق عليه الامير خالد
عندما استقبله في مكتبه
قبل عدة سنوات
وكذلك
فاضت قريحته لما لقيه من استقبال اهالي ابها وكرمهم الخيالي

اجمل ديار الكون وابهاهن ابها .. دار تعلت فوق روس المشاريف
درة عسير المنتقاه وزهبها .. وسحر الجنوب اللي يفوق التواصيف
جل وتعالى خالق قد وهبها .. طبيعة ارض ماتغير شتاء صيف
شابها محرمها بالأشهر رجبها .. دايم سماها ممطره وارضها ريف
فتنة نظر من لد فيها رغبها .. ياما قلوب في هواها مشاغيف
ابرز سمات رجالها حسن ادبها .. وسموها عن تافهات السواليف
نوادر بالطيب محد غلبها .. ياما بها من هبة الريح للضيف
ابها فتون جملوها عربها .. مثل العروس بوسط جمع الزفافيف
جذابة ماشاقها واجتذبها .. بالحب مخلوق مثل دايم السيف
في خالد الفيصل حبت في طلبها .. وخالد يزيد ارض بها حل تشريف
له هيبةٍ تواضعه ماحجبها .. وله كلمةٍ مفعولها امضى من السيف
من راس فيصل حنكته مكتسبها .. مايبخى فيته دروب الثنا كيف
سيد عسير وبالأدب منتخبها .. من معدن ماشابها الغش والزيف
وفاس بالنوماس و منومس ابها .. وحجابها عن عاتيات العواصيف
فازت بحبه واخلف الله تعبها .. جاها على المنوه وجت له على الكيف
فيه استعزت والهوان اجتنبها .. ماتشتكي به لا ندامه ولا حيف
وصلت معه بالمجد لأعلى رتبها .. همه لها ياخذ من العز ويضيف
في عهد من عينه على الدار نبها .. عهد الفهد عهد على دارنا ريف
كل المدن بأفضال طيبه غلبها .. من منهلٍ يبغى حفونٍ غواريف
ماتدرك الحسنى بليا سببها .. وخالد طلع بأبها سبب كل مشيف
بان البهى فيه وابو بندر ابها .. وتزخرفت بأفكارها احلى زخاريف
واليوم يهتال النظر من عجبها .. ماينتوصف سحرها بالتواصيف
في جنة الدنيا وغاية طربها .. واقصى طموحات الرجال العواريف


هنا للتحميل و الاستماع

[عبدالهادي المفرج التميمي]

صح لسان الشاعر
قصيدة جزله
تنقل لقسم الشعر
مشكووور على الاختيااار

سلام

[متحري الخير]

مشكور . والله يعطيك العافيه

[رعد الصحاري]

مشكور على الأبيآت الرائعه

[ذعاذيع الصباء]

جل وتعالى خالق قد وهبها .. طبيعة ارض ماتغير شتاء صيف
شابها محرمها بالأشهر رجبها .. دايم سماها ممطره وارضها ريف

ابيات جميلة ونقل تشكر عليه ولا اهل الشمال ذوق خاص وميزة بشاعريتهم .

[خالد الحريص]

يعطيك الف عافيه

....................

[هنا القريات]

المرجو من المشرف
تعديل
شابها
الى
شابه
وتعديل الى
فاز بالنوماس
مع شكرى
لمن شرفنا بالزياره

[شقاوي ينبع]

قصيده جميله جدا

الف شكر اخوي