مشكلة اللوك في الباثفيندر وبعض الصور

[أبو ثابت]

تفاجأت قبل فترة بتشنج قير سيارتي الباثفيندر ..طبعا القير (( أوتماتيك )) ..!! فلم يعد يغير القير .. وعرفت أن المشكلة عدم إستجابة اللوك (( قفل الأمان )) والذي ينفتح عند الدوس على الفرامل .. فاستخدمت الزر الإحتياطي لفتح اللوك بجانب القير باللون الأحمر .. وعرفت قيمة هذا الزر الصغير حينها وأنه لم يوضع عبثا .. وقمت بتغير القفل اللوك .. وحبيت أجيب لكم صور له للفائدة ..





هذا هو اللوك ويظهر باللون الأبيض:








هذه صورة ومحاولة فكه للتغيير ..







هذي الصورة بعد ماتم انتشاله من مكانه للتغيير ..

[الوافي]

جزاك الله خير على هذي المعلومات

ومنكم نستفيد

والحياة تجارب يا اخي ابو ثابت

[الخليجي]

والله مكتعبة كل هذا علشان فتح القفل

طيب ايش فائدة هذا القفل اصلا !!

[المهيل]

ماشاء الله عليك
لكن اظن اللي مسويه مو يماني
اكيد له شغل
بس فك وارم مو معقول

[عاشق الجبل]

كفو يبوثابت


ماشاء الله عليك حليت المشكلة وخليت غيرك يستفيد منها

[أبو ثابت]

أول شي الف شكر لكم على المشاركة وتفاعلكم مع الموضوع ..

وبعدين هذا القفل له فائدة كبيرة فهو بمثابة الأمان على القير بحيث إن القير دائما يكون بوضعية البارك (( p )) ولاتقدر تغير الوضعيه إلى (( r)) أو (( d)) إلى بعد الضغط على الفرامل .. حتى لاتغير والسيارة تمشي بعدين ينكسر القير أو أحد يحركه من الأطفال أو بالغلط وينكسر القير أو يفضي السيارة وتدحدر ,,!!


والمشكلة إنه أحيانن يخرب فجأة وماعاد يتحرك القير من مكانه .. ولأجل كذا في بعض السيارات فكروا ووضشعوا زر يدوي صغير جدا جمب القير ومن صغره ماتقدر تضغطه بأصبعك لازم قلم ..!!


عشان لو خرب عليك تستخدم الزرار اليدوي



لاكن المشكلة في السيارات اللي مافيها زر يدوي لو خرب عليهم فجأة وماعاد تحركت السيارة ..!! لازم يعرفون وين مكان اللوك في القير عشان يقدرون يفكونه ويغيرونه أو يلغون عمله مؤقتا ..


وبعدين بعض الأخوة فهم اني فكيته ورميته .. !!

لا أنا قمت بتغييره بقفل جديد ..!!


ولكم جزيل الشكر مرة ثانية ..

[محمد القحطاني]

بارك الله فيك اخي الكريم

ومنكم نستفيد

لك كل شكر وتقدير

[حـاتـم]

جزاك الله الف خير ياخوي ابو ثابت

وكفو والله


وشكرا على الموضوع المفيد

ولك جزيل الشكر

أخوك / حاتم

[النمر]

الله يعطيك العافيه اخوي ابو ثابت .

و موضوعك جداَ مهم جزاك الله خير ...

[أبو ثابت]

أخوي البري هلا والله وغلا فيك وانشاء الله إن ما أحد يحتاج لتغييره ..