السلام عليكم
من القديم جداً
[poem=font="(Diwani Letter) ,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
جيتكم بشكي وحالي فيه حال=قصّتي قِصّه وطرفي ما يبات
قبل مدّه رحت في سوق الشمال=ودّي اشري لي شماغ ومرفقات
يوم جيت السوق شفت احلى غزال=واقفٍ بين الجموع الناطرات
اشّر بطرفه وقال اقرب تعال=قلت يالله طالبٍ منك الثبات
لابسٍ برقع وبجفونه ظلال=في عيونه سحر وبرمشه سماة
حاجبينه مثل تقويس الهلال=وجنتينه حمر توهن يافعات
ناظر بعينه يمينٍ في شمال=قال هات الرقم سرعه هات هات
قلت هاك الرقم يا سيد الجمال=واحذر عيونٍ تناظر حاسدات
ثمّ قفى والنظر يمّه توال=واثق الخطوه ومشدود العباة
احتريت ايّام ما جاني اتصال=طال صبري والهواجس حاضرات
صرت احسّب إحتمال وإحتمال=ضاع منه الرقم والاّ الزين مات
اتصل فيني عقب شهرٍ وقال=انت خالد قلت هاتي لي الصفات
قال شفتك قبل فتره في الشمال=مير ظرفي ماسمحلي والحياة
قلت حيّ الله حبّاس الدلال=ياهلا والفين مرحب ياغنات
قلت شسمك يامذوّقني الهوال=ردّ لي بضحكه وقال اسمي نجاة
قلت اشوفك؟ قال لا هذا محال=خلّ عندك صبر وابشر بالعطاة
قلت نصبر دام فالصبر اعتدال=ودّي بشوفة عيونٍ ساحرات
واستمر الصبر لشهورٍ طوال=والوصوف الّي تجيني مدهشات
قال زيني ما تلاقي له مثال=لو تلفّ الأرض ما مثلي فتاة
زاد فيني الشوق واكثرت السؤال=والنظر محروم وش هذي السواة
ثمّ جا الموعد عقب طول احتمال=من ثلاث سنين واحلامي شتات
يوم شفته صابني مثل الهبال=لا خدود ولا جمال ولا شفاة
انصدمت وقلت يالله فالحلال=قبل لا تغدي بنا الدنيا فتات
اثر هالبرقع عذابٍ يارجال =زيّن الشينه وحنا في غناة
خلّوا المستور والّي في كمال = وبطلوا لبس البراقع يا بنات
[/poem]