سحاب - ينشدني الي ما عرف صاحبه زين

[سحاب شقراء]

السلام عليكم ورحمه الله وبركاته

اخواني اخواتي الغالين هذي قصيده والقصيده لها قصه وهي اني اطلب واحد مبلغ كبير شوي من المال وكل ما شفته ولاه منحرج مني قلت انت وش فيك كل ما شفتك ولا بك حرج مني
قال القهر ياسحاب اني انا اطلب واحد دينه ولها سنين عنده عجزت اخذها منه ونا ما احب الشكاوي والمحاكم ما وراها الا التعب ثم قالي وش رايك اوكلك عليه ون جبتا الي عنده عطيتك حقك وعليه زود بعد والمبلغ الي يبيه منه 128000الف قلت اصبر هو وشو من رجال قال والله عليك عليه ولوه رجال وفا الناس حقوقها قلت وش رايك اروح انا وياك له ونشوف وش يقول ورحنا وقالو عياله مهوب موجود
وجلست انا ورفيقي نسولف في السياره عن الرجال ونحتريه كوده يجي وما درينا الا هذاهو جاي يمشي على رجليه وقلت لرفيقي خلك في السياره ابا اروح لمه انا ونت اقعد وروح لمه وسلم عليه وقلت له يسلم عليك فلان وموكلني على حقه الي عندك قال انت وش دخلك بيني وبينه قلت المهم جاك العلم قال مار ما عندي له شي وبيني وبينه المحكمه وقلت يكون خير وروح امشي الين وصلت السياره وقلت لرفيقي هذا ما عنده نيه يوفيك ويقول بينا المحكمه
قال رفيقي سحاب قلت سم قال وش رايك تكتب فيه قصيده تراه ما يواطن احد يقول فيه قصايد وكتبت هذي القصيده وراح من بكرا رفيقي وعطاه اياه وقاله ان سحاب يطلبني فلوس كثر الي عندك وني وكلته عليك يقول ثمن فتح القصيده وقراها يقول وهو ما ظيفني ولا شي واقفين عند الباب يقول انه قالي ماله داعي تنشبني مع احد اسحب توكيلك وحقك يجيك تالي السبوع وفعلن عطاه نص المبلغ تالي السبوع والاسبوع الثاني كمل باقي المبلغ
وخلص منه وهذي القصيده


ينشدني الي ما عـرف صاحبـه زين


وشلــون انا ياخــوك بــوفي حقوقي


مرت سنه وبعد السنه مـرت اسنين


وعجـزت احصل منه علمن يسوقي


والحـق حــق ولراعي الحق سيفين


سيفـن شطير وسيف يـبـرق بروقي


قلت بنشدك منهو عسا حظه الشين


راعــي الـرديــه نا قـظيـن الوثوقي


وقبـل عليـنا صاحـبـه بـيـن خطـيـن


يمشي بطــي-- مثل وجـه السروقي


قلت هيه يالمديون وش صار بالدين


قال انت وش مدخـلـك بدربن يعوقي


قلـت والـذي انزل مع الملك ياسيـن


لاخـذحقـوقـه طاق من فـوق طوقي


اعرف دروب الحق والشين والزين


ولا علــي تحــرم مجـاري عـروقي


اخــذالنصيحــه دامها تبـرق الحين


ون ارعـــدت نــوخ جملها ونـوقي

=====

سحاب نجد وعندكم سحاب شقراء

[غانم الضومري]

وقبـل عليـنا صاحـبـه بـيـن خطـيـن


يمشي بطــي-- مثل وجـه السروقي


جميل وصفك لمن لا يفي بالحقوق المطلوبة منه

الكثير من أولئك يخافون الوسائل الاعلامية أكثر من المحاكم ، وما الشعر إلا واحد من تلك الوسائل

أسعدك الله يا سحاب

تحيتي

[محمد المقاطي]

صح لسانك يابومشاعل
وبيض الله وجهك على القصيدة وعلى فزعتك لصاحبك
الله يكثر من أمثالك ، ويصرف عنا وعنكم الوجيه الصفيقه.
تحيتي

[عبدالمحسن الرحمه]

صح السانك ملايين إبداع في إبداع لله درك يالجزل

[عبدالمحسن الرحمه]

المشاركة الأصلية كتبت بواسطة غانم الضومري

وقبـل عليـنا صاحـبـه بـيـن خطـيـن


يمشي بطــي-- مثل وجـه السروقي


جميل وصفك لمن لا يفي بالحقوق المطلوبة منه

الكثير من أولئك يخافون الوسائل الاعلامية أكثر من المحاكم ، وما الشعر إلا واحد من تلك الوسائل

أسعدك الله يا سحاب

تحيتي

شاعرنا الفاضل الله يرحم والديك ترا أخونا الفاضل سحاب شقراء يستاهل شاعر متمكن
الفزعة الفزعة

[سحاب شقراء]

المشاركة الأصلية كتبت بواسطة غانم الضومري

وقبـل عليـنا صاحـبـه بـيـن خطـيـن


يمشي بطــي-- مثل وجـه السروقي


جميل وصفك لمن لا يفي بالحقوق المطلوبة منه

الكثير من أولئك يخافون الوسائل الاعلامية أكثر من المحاكم ، وما الشعر إلا واحد من تلك الوسائل

أسعدك الله يا سحاب

تحيتي

هلا بخوي الغالي وش اسويبه هههههههههههه
بس لله المنه كانت سبب ولا لوه باغي قال اشعر الين تطلع الشمس من مغربها

بس والله غبن تفزع له في ظيقته ولا حل الدين جحد

[سحاب شقراء]

المشاركة الأصلية كتبت بواسطة محمد المقاطي

صح لسانك يابومشاعل
وبيض الله وجهك على القصيدة وعلى فزعتك لصاحبك
الله يكثر من أمثالك ، ويصرف عنا وعنكم الوجيه الصفيقه.
تحيتي

اللهم امين يالغالي

شرفتني شرف الله مقدارك دنيا ودين

[سحاب شقراء]

المشاركة الأصلية كتبت بواسطة عبدالمحسن العمر

صح السانك ملايين إبداع في إبداع لله درك يالجزل

هلا بالغالي والجزل تخطه يمناك يالغالي والكل يشهد

[رذاذ]

صح لسانك شاعرنا القدير سحاب شقراء

ماشاء الله عليك قدرت ترد الحق لأصحابه بـ جميل عباراتك وأبياتك ..

ياليتني أقدر أوكّلك ترد حقي ..!!!

ربي يحفظك ياوالدي ويقوّيك على فعل الخير


رذاذ

[عابر سبيل]

صح لسانك يابومشاعل
وبيض الله وجهك على القصيدة وعلى فزعتك لصاحبك