اترك الدرعا ترعى

[خالد بن منشار]

جديدي
ليست كما تبدو ولمغزاها فائدة !!



اترك الدرعا ليا شافت خـْـضار = مالهــــــا باللي يباس ٍ عودها
همّها تآكل من اصناف الخُضار = خلّها توصل على مقــصودها
لا تحدحدها على لبس الخمار = طبعها تكشـف فروق انهودها
راقصة فالليل وان جاهـا النهار = تلتــــحف وتنام قبل اوعودها
ما لها عنــــدك ولا عندي قرار = تدرج الوديان من منقـــــودها
سلّمت لي حـــالها قبل الفرار = ثمّ راحــــت للخلا من جودها
بالكرم ترضــــي بعيدين الديار = ما تقـــــــصّر لو لقت بارودها
لو لقاها صايم ٍ قبل الفـــــطار = يفـــطر وترمي عليه اورودها
وان دنى منها مطوّع واسـتدار = ســـــــلّم الغلّه لها بطرودها
من حلاها ما سلم منها المجار = تبتــــــسم غمّازة ٍ بخدودها
والعــــيون اللوز والشفّه حْمار = ويل حالك لو تجي من مودها
كان ترجع شاب ّمافيك انكسار= تســــتقيم ويعجبك مردودها
واترك الدرعا ليا شافت خضار = راح تآكل لين ييبــــس عودها

هناك مشكلة في التنسيق
لا يظهر النص بالتنسيق
ياليت الادارة تعالج المشكلة

وسلامتكم

[طراد الهوى]

كان ماهي الفئه الظاله
بس مدري ههه
على العموم صح لسانك ولازلت اراهن بشاعريتك
يعافيك ربي
بإنتظار الغزليات يالذيب

[وفاء العمر]

روعه روعه الله يخليك

[الركام]

المعتى في بطن الشاعر
صح لسانك خالد بن منشار

[سراب]

اجزلت بارك الله فيك
وفالك المليون ههههههه