هذي القصيده من أروع ما قراءت من القصيد اللي في مدح الرجال

[ام العنود]

أختـار سمحـات الـدروب النظيفـة

******* اللي غسلها رايـح المـزن برشـاش

يمشونهـا قـوم النفـوس الشريفـة

******* اللي ضمايرهـم نقيـة كمـا الشـاش

بيوتهـم مثـل القـصـور المنيـفـة

****** ماهي لطير البوم غيـران وأعشـاش

وإحلالهـم للضيـف دايـم مريـفـة

******* لو رجلهم يسرح ويضوي على مـاش

والرجـل منهـم مايخـلـي رديـفـة

******* ان مات غيره مات وإن عاش له عاش

وإن مات منهم رجـل عقـب خليفـة

******* بطعن نحور القـوم ويـرد الأدبـاش

يعرف هدف روحـه ويعـرف وليفـه

******* مايعـرف الخونـه ولاهـو بغشـاش

وإليـا رزقـه الله بـعـذراُ عفيـفـة

******* يحطهـا مابيـن نونـه والأرمــاش

ماهو على الخفـراات يستـل سيفـه

******* ولاطالعوفيـه الرياجـيـل ينـحـاش

حلـو النبـا سمـح المحيـا لضيفـه

******* ويصير لـه خـادم مسخـر وفـراُش

وإن مـد مامديـة يمينـه قصيـفـة

******* مدة يمينـه تبهـر الخبـل والـلآش

وليـا هـرج تلقـى علومـه طريفـه

******* ماهـو لهفـوات المناعيـر منقـاش

وإن شبـت النيـران ماهـو بليـفـه

******* في ساعة الكربة سـواري ورشـاش

سـدة بعيـد ولاحـد يلحـق غريفـة

******* ماهو لعرض مكـرم العـرض نهـاش

الشوك فـي جنبـه سـواة القطيفـه

******* ان كان مله بيـت مامـون وفـراش

مايرتكـي فـوق الخبـول الضعيفـه

******* للـي ليـا حركتهـا قدرهـا طـاش

وصحيفتـه ياطيبهـا مـن صحيفـة

******* الهـا مـع العقـال كاتـب ونـقـاش

حـاز المراجـل والمراجـل كليـفـة

******* ألا على إللـي كـل مارامهـا هـاش

وإن شاف له في جانب القـوم خيفـة

******* تلقـاه للخيفـه مهـاجـم وبـطـاش

الصدق والمعـروف والطيـب كيفـه

******* يغبش لها مع طلعـة الفجـر مغبـاش

للحمـل ماتلقـى جنـوبـه ضعيـفـة

******* حوله بروق تبهـر العيـن وإفـلاش

يصبر على جرحـه ويمسـح نزيفـه

******* طبه بشبه خير مـن طـب الأحبـاش

ولاهو كمـا سبـع سنونـه ضعيفـه

******* دايـم يلحسهـا وللعـظـم عــراش

وإن شاف له في غيبة النـاس شيفـه

******* ماهو بخبـل لأخضـر العـود قـراش

دنيـاه لـن صـارت ذلـول عسيفـه

******* طوع عليهـا كـل عاصـي ونفـاش

وإن كـان قفـت ماعليهـا حسيـفـة

******* ماهو ورا هـوج المعاصيـر قشـاش

وإن جاع ماوقـع كمـا طيـر جيفـه

******* وإن عري مايلبس سماليـل وإخيـاش

وإن جـا نهـار كـل قـرم يعيـفـه

******* ماهو ليا ثارت علـى القـوم رمـاش

الكذب يعروف بيـن الأجـواد زيفـه

******* والصدق مثل السيف صاطي وحشاش

صح لسان شاعرها

الشاعر المرحوم مطلق الثبيتي العتيبي

مماراق لي

[ام الدانه]

ماهو على الخفرات يستل سيفه
وان طالعوا فيه الرياجيل ينحاش

يامال العافيه ياام العنود

رااااائعه راااااائعه راااااائعه

واعجبتني بقووووووه تسلمين ويسلم يمينك ويسلم ذوووقك يالغلا

تقبلي مروووري ودمتي بخيررررررررر

[ابو حمد]

تسلمين يالغاليه على القصيده الجميلة
الصدق والمعـروف والطيـب كيفـه
******* يغبش لها مع طلعـة الفجـر مغبـاش
صح لسانك ولسان شاعرها
المرحوم مطلق الثبيتي العتيبي..

ابو حمد،،

[الذعذاع]

للحمـل ماتلقـى جنـوبـه ضعيـفـة

حوله بروق تبهـر العيـن وإفـلاش

يصبر على جرحـه ويمسـح نزيفـه

طبه بشبه خير مـن طـب الأحبـاش


الله يرحم شاعرها
ويسلم ذووووقك أم العنوووود
فعلاااا
دائماااا إختيارك بالقمه ماشاء الله
دمتي ودام عطااااائك

[الركام]

مشكورة على النقل الجميل

[أميرة البراري]

من يدين مانعدمهاااا الله يعطيك العافيه ويرحم قايلها

[فواز القاسم]

صح ذوقك وصح لسان الشاعر

[مخلب طير]

خوش قصيده يا ام العنود دائما" متألقه بإختياراتك رحم الله الشاعر و عساك على القو

[نحال الجبال]

الله يرحم الشاعر ويجزاه الله خير ومشكوره يا ام العنود على اختيار القصيده الجميله والله انك ذكرتينى بمجلس جدى الله يشافيه لاكن قالو النار ماتعقب غير الرماد

[مدور الغيث]

اختيار رائع . مشكورة