ياللي دخلت السوق وقف بحاكيك...وش ذا العيون اللي تسوي سوايا

[هواي البر فهد]

سلام عليكم ورحمة الله وبركاته
هذه قصيدة جديدة للشاعر ابن فطيس

قصيدة كهربتني بالعين ...

ياللي دخلت السوق وقف بحاكيك
وش ذا العيون اللي تسوي سوايا..

كهربتني بالعين الله يجازيك
نظرات شلت في ضميري خلايا..

لولا فيوزٍ وسط قلبي توماتيك
ماكان عيّن من فؤادي بقايا..

يفصل إلى من شاف هذي وهاذيك
صادف مواقف من بنات القرايا..

قالت تحمد يوم ربي منجيك
ولا توقف في طريق الصبايا..

قلت الصبايا والمزايين تفديك
ماشفت عينك في جميع البرايا..

قالت هذي عيني عسى الله يقويك
وشلون لو بتشوف باقي المزايا..

لكن مادامك ممن القلب بسويك
رح في طريقك والنوايا مطايا..

والا ترى بتعبك وأعلن تحديك
وأشوف قلبك بيتحمل حلايا..

قلت أسمعي:وأن فزت..قالت: بكافيك
على حسابي من محل الهدايا..

بس أنتظر لحظه بسيطه وأرويك
ثم أظهرت ثغرٍ زهته الثنايا..

قلت أنتبه ياقلب منها توطيك
وأسمع صداه يصيح خلف الحنايا..

ثم أنفجر جد الفيوز التوماتيك
وأقفت وأنا أجمع بقايا الشظايا..



https://www.youtube.com/watch?v=Wqo_TwykjR0