[خالد بن منشار]

[ALIGN=CENTER][TABLE1="width:80%;background-color:black;"][CELL="filter:;"][ALIGN=center]



تصدّقيني ما ابيك ومـا ابـي قربـك وابيـك
وتصدّقين اني ابيك ومـا ابـي بعـدك وابيـه
احترت يوم انّك بقربي ما ابي لمسـة يديـك
ابعد كما المجنون منّك واشتري البعد اشتريـه
واحترت يومي في غيابك صرت انا اوله عليك
تبعثر التفكير فينـي والعقـل صايـر سفيـه
مهزوز كلّي في غيابـك والحنايـا ترتجيـك
مشتاق لك شوق الصحاري للمطر لو تعرفيـه
يابنت انا قلبي تعب ودّه مـن التعبـه يجيـك
ودّه يسولف عن غيابك وش حصل فيني وفيه
مقهور كيف البعد خلاّني من الشوق اشتهيـك
وانتي من اوّل في يديني والوصل ما اشتهيـه
واليـوم لا والله احبّـك والغـلا منّـك وفيـك
ندمت في بعدك وحالي يشفق القاسـي عليـه
تعالي انعيد الليالـي واللـي يرحـم والديـك
واوعدك مادوّر لبعدك والوصـل دوم ارتجيـه
وتصدّقين اني ابيك وما ابـي بعـدك وابيـك
وتصدّقين اني ببعـدك دايمـا ً قربـك ابيـه
.
[/ALIGN][/CELL][/TABLE1][/ALIGN]